抽新股前要開咩戶口OR去bank度搞咩手續??

1. 係咪要去bank度開個支票戶口&股票戶口??
如果你用白表，咁就要開支票戶口，先可以開支票去認購新股，(其實開本票都得架，不過要手續費)，如果你打算先開股票戶口，又打算用黃表認購 (銀行提供網上黃表認購)，咁咪可能唔需要支票戶口囉。

2. 咁同埋有冇話要喺邊間bank度開??
係邊間銀行開，睇你個人喜好，或者睇你用開邊間的存款服務囉。

3. 係咪間間bank都有得開架？？
一般係既，不過唔同收費。

4. 係咪有d可以打電話買賣??
是的。

綜合上面你問的問題，去開股票戶口，建議你去中銀香港/南洋商業銀行/集友銀行開，如果你冇買賣，戶口冇股票，基本上完全冇費用，連 savings 戶口既最低存款額都冇 min balance (因為有股票戶口，所以savings account 既最低存款額都豁免咗)，開投資戶口係唔需要費用既，只要你開一個 settlement account (可開 savings 戶口)，咁就得架喇，開儲蓄戶口 10蚊都得架喇。


中銀買賣股票既費用 : 經紀佣金、 0.1%印花稅、0.004%證監會交易徵費 、0.005%香港交易所交易費，咁佣金間間銀行都唔同，中銀集團既收費係:
每筆網上/電話交易(不經人手接聽) commission 係 0.15% (標準係0.25%，一路都話係優惠期內會係 0.15%，個優惠期一路都冇stop，我自己都用左三年)，最低收費 $80 蚊。其他銀行一般都收 0.25% (匯豐同恆生都係) ，而有d理財戶有少部份收 0.125% ，但係最低收費要 $100 蚊，而且個理財戶要 keep 大額既存款係度，咁交易金額唔太大，現金唔多既話，中銀都算好抵 (中銀理財戶都有 0.125%)
如果買左股票係度，賬戶每年5月及11月最後營業日賬戶結存計收，保管費 每手HKD0.15 min HKD100.00 (即係你到收費期前賣哂d股票就唔駛收，不過如果賺既，照收亦好平之嘛)


買賣股票服務手續既詳細收費方面，詳情可 click 入下列網址參考，當然係每次都要收存啦 http://www.bochk.com /web/common/wide_mul ti_section.xml?secti on=investment&le vel_2=services_charg es&fldr_id=499

股票戶口可以係櫃位/電話/網上買賣股票(要同時要求銀行開埋電話理財功能，之後自己係網上登記啟動)，同個職員講你想開個股票戶口，重要開個儲蓄戶口作為結算戶口 (settlement account)，咁你買入股票同沽出股票的錢都會係呢個戶口扣數同入數既。佢就會幫你攪架喇。
你去開戶口，就要帶：1. 身份證; 2.住址證明 (一般要三個月內); 3. 錢 (用黎開 savings 戶口)

中銀網上每月都有 500 次免費詳細報價，如果係用簡易報價 ，基本可以任查 ，
詳細報價好好用，有股票既所以基本資料，有新聞，相關認股證、買入/沽出盤之數量/金額、市場成交等等 ，登入網上理財去睇股票資料，大路資料有好多，如：主要指數 (恆指、國企、中企、創業版等)、市場新聞、最活潑港股(成交額、成交量等)，好多資料睇。如果有買賣 (交易金額累計大於 $50,000)，就加 200 次，比多d機會你緊貼市場動勢！

另外，中銀網上、電話都有新股認購服務，上網 click 就可以認購，收費只收 $50.00 (中銀理財戶口免費架)，如果你想融資買股票，中銀重有網上融資，即係於網上申請借錢買股票 (一般要比 margin 10%)，真係好方便架。


希望幫到你

1.: 如用白表申請可叫銀行開本票...如開支票當然要開支票戶口啦...但其實開個股票戶口會方便好多可網上申請

2.:如開股票戶口大部分銀行都有OR 證券行都得...如開本票就要去銀行啦

3.:係(通常去返自己有戶口的銀行會好D)

4.:係....但要有戶口和不能電話抽新股

當你抽到新股嘅時候...只要係任何1間bank開個股票戶口...將股票存入...bank會提供該bank電話買賣資料及密碼等等比你....你親臨bank or 電話買賣就可以...

1) 係, 抽白表冇支票要開本票抽, 唔存倉唔使開股票戶口, 如網上抽新股可以唔使用支票
2) 冇指定
3) 大銀行實有
4) 係