有关水妖問题？

如果你個掛濾唔夠力帶動水流,有時會有屎同多餘食物殘留響缸底,長遠會影響水質及魚隻!!
所以有幾個建議比你:
1) 換一個大d既掛濾,我見過最大既都成一尺闊,相對馬力比較大!!可以帶動更多水流,促進過濾效果!!一般由50-百多元不等!!
2) 用虹吸管(即係我地叫既彫波吸筒)定時將缸底多餘廢物吸走!!$10就有
3) 用水妖,佢係氣動式過濾系統,只要接駁氣泵,佢就可以用氣帶動水流經驗水妖既過濾系統,同時做到過濾同泵氣既效果,而佢係放響缸底的,但如果你個魚大過一尺半,而氣泵唔夠力,咁就要用出氣量更大既氣泵幫浦水妖運作!!,而大過兩尺以上唔係咁建議用水妖!!因為未必做到咁好既過濾效果!!水妖都有唔同size同品牌,一般由$50-百多元都有!!
4) 缸底過濾都分好種,唔係咁知你講邊隻,不過都可以比小小個人資料你參考!
有一隻水泵佢自己有一條氣喉,當運行時,會帶動空氣由出水口排出,下面接駁缸底喉!面舖底砂做過濾不過都要用(硝化細菌),咁就可以做到過濾同出氣效果,如果同水妖運作有小小類同,不過今次係用水帶空氣入缸,唔洗用氣泵!!
另外可以用外置式過濾筒!原理都係以水泵運作,將水抽到過濾筒!再由過濾筒泵返到魚缸中
仲有水妖,上面講左!!
5) 其實市面上既過濾都有好多接駁方法,可以配合唔同魚缸既需要,所以最後你可以出去見識下,學多d野,因為口講未必可以令你知道不同過濾系統個實際運作係點,最好都係多睇多問!!

2007-04-20 09:15:57 補充：
唔好意思呀,又打錯好多字,又要更正字眼!!*用虹吸管(即係我地叫既彫波吸筒)--- 改為--- 用虹吸管(即係我地叫既膠波吸筒)*佢就可以用氣帶動水流經驗水妖既過濾系統--- 改進--- 佢就可以用氣帶動水流經過水妖既過濾系統* 缸底過濾都分好種--- 改為--- 缸底過濾都分好多種

2007-04-21 09:12:50 補充：
再更正字眼......唉.....但如果你個魚大過一尺半--- 改為--- 但如果你個魚缸大過一尺半