泰國massage&spa,酒店

第一次去泰國, 以上的酒店都唔係太適合喎, 因為都係唔多就腳, 不過我想知你係去自由行, 定係跟團? 因為我睇落去, 呢d酒店多數都係旅行團用, 因為住遠d, 價錢平d, 反正遊行車, 一車搞掂。

建議: 如果自由行, 最好可以改的話, 就改其他就腳的酒店, 會易玩好多。

如果係跟團, 就無問題, 因為你都係冇得揀, 而且唔就腳都冇咁大問題。

下面就我所知的做一d 介紹:
1. Montien Riverside: 4星半至5星級, 位於河邊, 比較遠離市區(遠離得好緊要果種), 景色唔錯, 房間都幾好, 尤期是去年重新裝修了。早餐有五星級質素, 有個唔錯的泳池, 如果唔介意遠d, 又唔趕時間, 都唔錯。(自己住過)

2.Sofitel Central Plaza: 4星半至5星級, 位於瞿道瞿市場附近(如果搭的士就係), 旁邊有個商場, 酒店比較舊, 亦唔近BTS, 論遠近來講, 比Montien Riverside近一d, 但同樣唔就腳。而要行商場我都唔會行佢旁邊果, 梗係搭車去市中心啦, 如果跟團亦唔會行呢個商場, 因為你回酒店已經是9點左右。(朋友住過)

而芭堤雅果幾間, 第一間未住過, 而A One Royal Cruise算近, 去市區方便,但比較舊, Jomtien Palm Beach就靚d, 房間有海景, 泳池也唔錯。不過如果跟團亦唔會有時間用。
酒店隔離有幾間按摩, 有一d小販賣食物。對面過馬路就係Jomtien海灘。

如果跟團的話, 你好難預時時去做spa, 因為每日的行程都行到好夜, 加埋回酒店的車程又遠, 返酒店之後, 出去外面又遠(以你曼谷果兩間計), 所以都好難出去做spa, 如果做一個鐘泰式按摩就差唔多。

如果自由行的話, 都係果句, 換過間酒店會好d, 咁你去邊都ok, 不過如果反正都要搭車, 咁去上面位網友介紹的Let's Relax都係一個好的選擇。但如果你住在四面佛附近的話, 可以有好多就腳的選擇。

點解我會覺得你係跟團呢, 因為你話已經報了, 但如果自由行應該已經定了酒店, 而唔會還有幾間酒店未確定, 而跟團好多都唔會好肯定咁寫明入住的酒店, 到時佢地可以容易d安排。所以我估你係跟團的, 不過我兩程情況都答左你, 希望到你啦。

曼谷兩間酒店，都唔係喺最旺嘅地區，亦比較舊。不過你都唔會只喺留喺酒店附近玩架啦，所以去邊度massage都ok，可以去let's relax (www.bloomingspa.com)，係一個熱門選擇，一定要預先book定。 sofitel 隔離有一個好大嘅shopping mall，有central百貨嘅分店，大把野行，大把野食。