唔知點解我班主任由十月開始針對我.. 可能係因為學期初佢要我參加一個活動但我死都話唔參加啦, 有一次仲發生左d事搞到佢以為我不孝, 加上佢教果科我d成績特別差, 所以佢就一路針對我, 對我有偏見啦.
佢每日一見到我就黑晒口面, 我一唔做錯野就勁鬧(冇咁鬧過其他人), 班入面有起事上黎都推晒d罪名俾我, 有時我根本冇做錯野佢就夾硬冤枉我, 佢教果科全部project係唔係都俾到好低分. e家班入面d同學驚得罪佢, 所以全部都唔敢接近我, 驚影響埋對佢地o既印象。個班主任每次見到我都係得自己一個人坐就以為係我冇品所以冇人鍾意, 次次都以鄙視o既眼光啤一啤我, 搞到唔識我果d同學都覺得我有問題, 我問佢地野佢地當我透明. 佢個人好偏心, 公私不分, 偏幫果d成績超好or討好佢or個樣好smart果d人. e家佢搞到我冇晒朋友, 上堂有特登響正全班(有試過全級)面前鬧我, 真係好辛苦呀.......
更新1:
下年仲係佢教, 全班人仲直升添.. 我就黎支持唔住啦, 佢好似完全唔理我感受咁(可能佢唔知我咁痛苦), 我日日番屋企都喊.. 屋企人又唔理解我響學校個情形, 仲串番我.... 我幾次都捱到病.....
點做佢先會對我好d呀...... 要頂多半年.. 下年仲要繼續對著佢添..... 你地話我應該點做呀... e家情況好幣,, 唔該晒 T_T
✔ 最佳答案
感樣都無計家。佢已經睇死你系感！
遺一一個方法就系你上堂留心聽書！
佢問問題你就要舉手。佢唔叫你你下一題都要改。
功課就做好D。得閒個時[lunch time]去問下佢關於書上面D問題！
等佢覺得你有心改過！自然對你改觀家啦！！
但就要睇你努唔努力啦！
參考: 自已
@@我好同情你~因為我同你差唔多=.=''
1. 比我會轉校啦...我成日都轉@@重越轉越讀得好~~
至於老師..全校又唔係得佢一個老師
2. 咁多個老師總有一個係同你岩傾....
你話針對你果個老師..你咪當佢普通人一個囉~~
咁樣心會舒服D~~自然D
3. 有唔開心就唔好屈住...搵個朋友OR途徑發洩左佢..
我之前就係因為咁入左醫院.......成日唔開心係唔好的
對身體及心理上都唔好!
4. 有咩唔開心可以搵下我啦^^
MSN :
[email protected]
我會盡力幫下你的
5. 希望我講既野可以幫到你 @@v
2007-04-22 00:28:24 補充：
不如咁辛苦..傷身又傷心...比我就轉校...至少無人知你以前既野人會輕鬆d..學野就自然容易...係一個''單單打打''既環境下讀書....讀左等於無讀..浪費時間~~
參考: 幫到你就最好..^^
咁ga個老師,咁衰ge~
我覺得咁落去唔係辦法ga wor~你有冇同你daddy ,mami講啊?,叫佢地投訴個老師la~佢咁鬼賤,整鑊杰ge佢嘆丫ma~~再唔係同d大粒d ge老師講,即係校長啊~訓導主任啊~o個d呢~睇佢死未~
首先呢我覺得呢個miss應該都係針對你成績問題而向你撕殺既~ 咁咪做好自己先囉 要令佢對你改觀 要塞住佢把口...做番點成績比佢睇 如果佢都係咁我諗你要好好同你家長傾下 可能去同校長反映 因為佢咁樣擺明玩針對啦 唔係單單影響你同佢的關係 仲有你同你的同學仔喎!!咁樣仲話為人師表??節省點吧!!
呢d惡性針對,真係無計,如果真係唔係你問題而佢針對你,係佢ga問題吧
不過,你現在可以做参,就係係佢面前做番d佢對你改觀ga事~例如你知自己係佢果科成績唔好就做番好d~
至於重有咩可以做,我勸你問一下學校社工,叫佢打探一下,做一個諮和的方式
參考: 自己經驗
好慘呀.. 好明白你感受, 佢實在太過份la.. 乜而家d人教書咁冇品, 教書唔係應該培育學生, 令佢有一條好既成長路咩?? 而係針對人, 令學生難受, 令人有陰影.. 呢d人簡直唔應該教書la.. 唔怪得知香港教育咁差, 就係呢d衰人~
如果我係你, 大家關係既然已經咁差, 會去向一d信任既老師傾訴lor.. 同埋, 每間學校都有輔導主任或社工, 你可以嘗試搵佢地傾, 做得輔導主任或社工都應該明白事理既.. 如果個老師本身人品有問題, 相信其他老師都會睇得出, 亦會幫你..
同埋, 你有冇同屋企人講清楚你既情況? 又有冇朋友仔能開解你? 因為唔開心的事已發生, 而你亦忍左好耐好辛苦, 真係要有d明白你既人同你傾訴下, 唔係只會屈到病(好似你已病了幾次)..
另外, 如果同輔導主任或社工傾完都冇用, 我覺得應該要同你屋企人商量, 由家長出面向校長投訴, 下個學期要求轉班, 咁你下年咪唔駛對住佢lor.. 當然, 你要比校長知道, 而家唔只係關係到你開唔開心問題, 還影響埋你的情緒, 心理, 人際關係, 學業成績等.. 你要比校長知道, 你唔係在搞事, 只是想自己在一個正常及公平的情況下繼續學業, 如果返學咁辛苦, 老師玩針對, 你根本唔會有心機讀書.. 可謂影響深遠呀~
如果你大膽d的話, 仲可以去搵你既班主任傾, 佢係成年人, 你表現成熟地去同佢探討呢個問題, 大家三口六面講清楚, 話你覺得佢針對你, 究竟點解? 係咪你有d咩做得唔好, 如果係, 你咪叫佢講你知, 你去改, 同佢講, 佢針對你只會令你更難受, 更唔想返學.. 如果佢有d良知, 真係應該改善對你既態度~
希望幫倒你la.. 祝你每日都開心~
參考: 自己
請問你今年幾多歲 ? 讀緊小學 ? 中學 ? 其實作為一位老師 . 佢應該唔會咁做, 會唔會你多心咗呀... 唔好企係負面既地方睇呢件事先 ... 而家讀書既學生哥越來越多功課上既壓力, 唔會因為尼個老師對你黑面, 你就冇晒心機先得咖 ... 佢未必係唔 like 你, 你係年青人來咖嘛, 約佢一個放學時間傾吓, 問佢係咪唔 like 你, 如果佢話 yes, 你即刻去教統局告佢. 如果唔係, 你咪開心見成同佢講佢對你既感受囉... 仲要讀咁耐書. 唔好因為咁而令自己功課 / 考試既成績唔理想. 我都做過學生, 以前都好似你咁成日覺得 d 老師唔 like 我, 當我了解佢之後 , 我功課同成績仲好咗, 唔好唸住屋企人唔理你, 只係佢地唔識表達啫... 唔好灰心 , 直接同大謄咁約個老師傾啦 ... 努力讀書啦...
首先你要清楚明白一樣野, 每論世界係點, 你要面對什麼問題, 你都要面對~ 因為把口生係人地度, 所以人地點講, 你就由得人啦!
如果你 d 同學仔因為咁而唔理你, 佢地都唔係你既真心朋友, 咁既朋友要唔要都算啦... 你既世界唔單單只係有學校, 你仲有其他世界, 例如課外活動阿, 社區活動~ 咁唔好令到自己成為井低之蛙!
另外, 你要記得既係~ 如果你真係感到辛苦, 你可以同個老師或者同社工傾下~ 因為個老師係咪都咁對你嫁啦, 同佢傾下, 睇下有冇地方可以改善, 人唔係美完, 你或者真係做左 d 野令佢唔鐘意而你自己又冇發覺到呢! 同社工傾下, 起碼有人明你阿, 佢地又唔會趕你走! 學校點都會有駐校社工阿!
唔好放棄, 記得人生只係追求一個目標, 那就是快樂!
