有關狗.....(我隻QQ小姐)

做乜你媽咪日日都要又打又駡你隻狗狗啊?你勸下你媽咪唔好再打佢啊,狗狗有性架,係咪嫌佢唔乖啊?你養左佢幾耐喇?
我之前養架芝娃娃狗仔都係前主人話佢唔乖乜都咬所以唔要佢,我決定養佢都係貪得意.乜都無考慮就收養左佢.
來我屋企頭個一個月我真係都幾頭痕,因為佢真係咬爛我好多好多野,有貴重,有再都買唔番架.電腦線仲咬到撞火添..周圍便便,每次我地出親街返來,屋企實係亂曬大龍,一片狠籍.一開始我會好嬲打佢大聲閙佢,但係都唔收效.
我買書睇,學識左點樣去教佢去厠所便便,佢做左錯事我唔再打佢,我會抱住佢,指住畀佢破壞左架野同佢講唔好,唔畀咬,唔係打打,做到要求時又多D讚佢,錫佢,獎勵佢．(講真,佢點曳都好,佢都識得討我地歡心,我又點打得落手啊?.)狗狗真係有性架,你錫佢,佢一定知,佢會以加倍的乖巧去回報真心愛佢錫佢的人,佢同小朋友一樣,好鐘意人讚架,我隻狗狗我養佢時都已經歲幾喇,應該都唔係咁易教.但係佢真係好乖,好生性,好快就學識我地要求佢要做到0既野.
你隻QQ唔會嬲你媽咪架,狗狗唔會記仇架,相反佢一定好想點樣去討你媽咪歡心,另你媽咪不再打佢.我相信佢一定會不知所措,因為打佢閙佢係無用架.只會另佢愈來愈唔知應該點做先啱.叫你媽咪畀小小耐性同愛心,好好去教妹妹,一開始係要忍耐架喇,但等佢學識左之後你就會知道,其實狗狗都好貼心架,真係可以帶畀人好多好多樂趣.
我隻狗狗上個月27號出左意外,離開左我地,我好唔捨得,好傷心,....請你媽咪好好珍惜QQ.唔好再傷害佢.......既然養左佢,佢就係你地家庭的一份子,善待狗狗就係善待自己.最後一段話請你媽咪用心讀一讀:
當你打牠的時候,請記得,牠其實擁有可以咬斷你手骨的尖銳牙齒，牠只是選擇不咬.

請唔可以當動物玩物.
要尊重佢地.要知道牠們都有感受
要盡量比最好架野同關心愛佢地.
要對牠們將心比心..
真的要當佢地係屋企一份子.
要養牠們一生.
唔好有藉口他日有仔女,老婆老公.要搬細屋.移民.唔得閒.老.生病等等呢d藉口唔要佢地.

請記住..狗狗猫猫,都會比幸福開心我們.
呢d日子係牠們比我們的.是一起共同先有的.
無論點都唔可以唔要他們.

諗起 篇文章同埋以下呢一句
你有自己既工作, 家人, 朋友, 娛樂,
但係請你記住, 你就係狗狗既一切
係狗狗的全世界



唔係只會害左其他生命...........
停一停.諗耐d先吧.考慮清楚先
睇唔岩都請你等到岩先領養..因為實在太多衰人唔要牠們
願你真係會關心愛佢地.love牠們會是一個好主人吧!
也祝福你同牠們都可以共同擁有幸福生活

100%會la~~我上次很小聲地罵我隻狗牠都一日唔理我~~狗係好有feel架~~所以不要常常罵牠和打牠,,否則牠有可能會有憂屈病,或者會唔listen你媽咪話架~~~

梗係會啦! 狗都有感情同情緒o架! 如果長期都被人打同鬧, 而且是無論佢做啱定錯都係, 咁會令佢好容易對人產生敵視o既態度.

唔會嬲你媽咪的.....但是佢會唔開心..我看了{狗狗異常世界].......講的
如果你媽咪係唔係都罵和打QQ小姐,可能會感到害怕

會.因為狗都好似人一樣有尊嚴嫁!

不會，牠不明白