孔雀魚懷孕

其實所謂0既黑點就係講緊魚bb既眼仔,當魚bb響魚母個肚入面成熟到一定情度,眼仔會好明顯咁比你見到!而腹部有bb個位置一般都比較深色偏黑,但唔係所以魚bb響魚母體內都係咁既色,
如全紅孔雀魚(又名:佛朗明哥全紅孔雀魚)會因為身體色彩偏紅,而bb響母體內都偏紅,但都會有bb成熟時眼仔黑點既出現!!
但,白化(又名:白子)孔雀或黃化白子孔雀,魚bb響魚母個腹部都係偏深黃,但唔會有黑點,而係紅點(紅眼)!!因為白化魚眼睛都係紅色的!!
但一般孔雀魚大肚後腹部都係會有bb眼仔既黑點,但我想更正所有只養單一或普通孔雀魚的魚友既一個好重要既觀念!!
所以你既情況多數都係魚母體內既魚卵未完全成熟或未受精!!要再等下先會出現bb眼仔既黑點!!
如果你睇唔到都唔緊要,因為有時魚bb體色偏黑,好難見到佢地d眼仔(黑點),咁就要睇魚母個肚生產位置係咪好黑,如果係都仲要睇多小小野,如果就生既魚母生產個位置(即痌屎位上小小)會起角,成個肚漲得黎會似一個長方形,咁多數都就生得!!

仲有~我有三個響知識+入面都有講孔雀魚母生產前既表現,同生bb0既既注意事項,你可以去以下三條link參考下:
http://hk.knowledge.yahoo.com/question/?qid=7007040400009

http://hk.knowledge.yahoo.com/question/?qid=7007033004229

http://hk.knowledge.yahoo.com/question/?qid=7007040703793

2007-04-21 23:45:24 補充：
你條魚生之前毫無特徵,又靜靜咁響缸底唔食野,好明顯水質不良,佢仲要都好病下,連游水都唔會....仲要引發提早生產,所以佢生完都用哂所有力量了,唔死都算奇蹟!!你要留意換水,唔可以太多同太急,d水要隔24小時水中氯氣揮發先可以用黎換入缸中,另外ph值要6-7最好,一日比兩餐就夠了,一餐魚糧以10分鐘內食哂最好,有食唔哂既魚糧同屎響水中都好易令水質變差,,以上事項其一樣錯左都好易令魚病,什至死!!另外魚bb死亡係水質不良既最住証明!!大吉利是d講句,如果你d魚死哂,建議你最好將成個缸清洗幾次,之後重新養水養硝化菌,之後先再養魚!!

恭喜啊！孔雀係大左肚，我條孔雀琴日生左，但係我唔見佢地個肚有黑點wo，只係見到個肚有好多紅色o既眼仔。
你要see下條魚的魚爸爸及魚媽媽的眼仔係o羊colour .
當牠想生的時候，係生BBo既屁股就有小小凸出，我都係感先知道佢生BB傢！^ ^

孔雀魚大肚生完之後個肚都會一樣咁大，這幾個星期都大肚咁但係無黑點，大約三、四星期個肚又有黑點出現，跟住又生ＢＢ架啦！

佢地大肚會明顯睇得出, 肚會變得好圓混同埋脹, 如果清楚既話, 係會有D黑點, 你細心D睇, 又或者佢未大到令你睇得到.