✔ 最佳答案
1)我覺得倉鼠當,中熊仔鼠係最易溝通既,俾d時間同耐性,係可以做得好好.
固定一d聲音去令佢認得你,簡單既聲音會比講一d字易記得多,食物袋既聲都好易好快記得.
叫佢食野用一種聲,叫親都有野俾佢食,之後可以用第種聲or叫佢名代表叫佢,等到你覺得佢明白左之後,佢做d咩你覺得佢乖,你就俾野佢食(發出叫佢食野既聲),覺得佢唔乖,可以只係行埋佢度唔俾野佢食,乖返先有野食.咁講好似好難明,俾個例子你:
佢咬籠你行埋去,相信佢會停一停行近你(之前慣左你行近就有野食,所以應該會咁),你唔理佢可能佢會繼續咬,之後唔理佢,佢唔咬就叫佢食野,慢慢佢會明白咬係唔好.
我覺得用相同手法,都已經可以溝通得好好多.我之前有一隻熊仔鼠,走左佬俾我見到,我一叫佢,同佢講野,佢自己識得行返去籠返等我,好叻架!
2)我都試過聽到有古古聲,唔係口發出唻咁既,唔知係咪你所講既咁,不過我就只係聽過一次,2,3下咁,之後查過好多書本,都冇講咩原因,之後我檢查佢身體又冇咩問題,又冇發生.唔知係咩事,但最緊要你留意下佢會唔會係好驚or緊張,又會唔會身體有咩毛病,仔細檢查同留意佢啦.