我長智慧齒 好痛 怎麼辦

智慧齒一般在 17至25歲長出，是恆齒的第三大臼齒，共有四隻，分別生長在口腔上下頜的末端。天生缺少一隻或多隻智慧齒的情況很普遍。也有一些人, 一生都沒有智慧齒生長出來的. 情況因人而異. 有些人的智慧齒能正常生長出來，但智慧齒亦有機會不能順利長出，形成了阻生的情況。

有些人, 智慧齒很順利的生出來, 一點痛苦都沒有. 但有些人, 儘管沒有智慧齒阻生的問題, 但當智慧齒出來的時候, 都受到一定程度的痛楚. 以我自己為例, 我有4隻正常的智慧齒, 看過x-ray沒有阻生的問題. 但當其中下顎一隻要出來的時候, 會令到附近的牙肉發炎, 你唔好話呀, 都幾痛的. 牙醫說, 唔夠訓, 熱氣等都有影響的. 痛得都幾犀利, 食又食唔好, 結果都係要剝左佢(一隻, 普通剝法, 不用開刀). 上顎兩隻一點問題都沒有, 在我不知不覺的期間就出來了, 非常順利. 不過, 我發覺上顎兩隻智慧齒出來了以後, 位置擠逼了, 飯後常常都會藏食物係智慧齒後面(牙同牙後面的口腔), 漱口都唔得, 要伸隻手指入口度, 撩出來, 好麻煩.

隔左大概10年左右, 我現在30幾歲, 另外下顎一隻又有動靜啦, 這次, 痛得冇之前咁犀利, 但係都好淹悶. 再去返牙醫度, 牙醫同我解釋, 智慧齒雖然是人體結構之一, 但其實一點功能都沒有的. 所以不要也吧. 當然, 如果他們沒有對你造成任何問題的話, 你就可以不理他們. 但是如果你因為智慧齒出生而煩惱的話, 就應當把他們解決了.

結果, 我決定把另外3隻, 下顎1隻, 上顎2隻, 一次過剝左佢(也是普通剝). 剝佢地痛左幾日囉 (主要是下顎的傷口痛, 上顎的沒什麼). 幾日後, 傷口慢慢埋口就沒事了. 到現在都好好.

講完我自己了. 講返如果智慧齒有阻生的問題, 即係打橫生的話, 如果沒有症狀呢, 都可以暫時不理他們, 但如果有事, 就一定要開刀了. 不過, 如果一早照到(x-ray)智慧齒有打橫生的現象呢, 最好就是及早解決啦, 因為到你有事的時候才去理, 通常牙肉都已經發炎啦. 一來, 牙肉發炎就好痛啦, 二來, 做完手術以後, 因為牙肉發炎, 所以復原的速度會比較慢的.

唔係一開始就要睇牙醫咁貴架，
我初初開始出智慧齒都係覺得好痛，
去左睇一向睇開既家庭醫生先，問下佢意見先。

我當年（大約１５年前）既情況就係，醫生話我個口大！！
大把位生智慧齒。
但佢叮囑我一定要仔細Ｄ擦牙。
覺得痛，就食止痛藥，一至兩日就唔痛架啦。

呢個情況維持左數年（得閒就痛下咁！），
最後，４隻智慧齒出齊，直到而家都無事。

當然，如果食止痛藥連食成個星期都keep住痛，
就可能真係蛀牙啦！咁就真係要睇牙醫啦！！

你應該去搵牙醫檢查一次先，未必一定要剝既，但係檢查下佢究竟夠唔夠位生，同埋方向正唔正確咁，而且智慧齒比較容易蛀，你平時刷牙要注意囉!
如果出緊，但係方向位置都正確既話，通常唔會痛，只會有D唔舒服。
你快D去檢查會安心D!

生智慧齒其實最好都係要去睇醫生.
好多時d人唔夠位生, 都要脫左隻牙.
就算唔脫, 到時刷牙刷唔到入去, 變左蛀牙都係會痛.

所以就算貴少少都要去睇下醫生. 早d去睇就無咁痛.