抽20手碧桂園落空

呢隻股之前都已經講到明,抽一手既機會係大過抽多手既機會中架啦,佢主要偏向一手既散戶,如果你抽一手都有4份1機會中,反而抽10 or 20手,就會好難中到一手...
我之前中信1616都係抽左20手,都係一手都中唔到,因為佢都係偏向散戶,所以我今次叻左,抽一手,唔抽多,中既機會都大d,咁我今次就真係抽中左..雖然少,但中一手都好過一手都唔中丫...(抽一手就中,抽20手就唔中,呢個心情我都好明白....)你下次留意下d比率分布,睇下佢會唔會偏向散戶喇..

呢個答按完全誤解分配比率的意思... 抽 20 手碧桂園中簽比率係 2%, 咁即係有 40% (ie. 2%x20) 機會抽中!
你都可直接從"分配基準"中"從25,209份中抽出10,106份可配發1000股" 一句計到 40% (ie. 10106/25209 = 40%)
無論點, 都係抽得多就多d 機會中, 不過抽 20 手都只係得 40%, 抽唔中一d 都唔奇

抽20手抽中1手的機會始終會多於1手抽1手的，要視乎分派比率，不過用多19手既錢，只增加約15% (由25%變做40%)，值不值得就要看自己點睇。最近很多新股都要約一百手才可保証有一手，好似迫人抽1手。

我上次買1616 50手，1手都唔中。今次買25手，好彩有1手。我亦識很多人買1手的不中，不過，當你見人1手中1手，自己買了這麼多都不中時，心中就總會氣憤一些。

調轉來說，若果抽20手就一定有一手的話，則1手中1手的機會可能只得番10%或以下，到時又會俾人話。

遲D中信應該會好些，我相信若你又抽20手，1手應該沒有問題。因為股票量大。

我都係抽10手但一手都唔中，但有朋友就抽1手中1手。都真係冇辨法喇!不過唔好咁激氣，再接再厲啦!今次唔中，下次就要更加醒目，睇清楚個配股方法咪得囉!仲有幾隻未上市，你買左未??祝大大家好運啦!!

20手既分配基準:
從25,209份申請中抽出10,106份申請可獲配發1,000股股份

中到一手既機會: 10,106/25,209 = 40.09%

所以落空既機會大D

如果你有錢抽20手, 小弟建議你同我一樣, 做"一手黨" :-P 小弟抽工商銀行, 中國銀行, 中信1616同碧桂圓, 全部抽一手中一手, 雖然賺唔到大錢, 但每隻加加埋埋都幾和味 :-)

今年隻隻新股都有抽.但一隻都抽唔到.仲比左400元銀行賺.而家用白表抽.唔駛比銀行賺.
心態當佢買六合彩 0甘啦.舊年抽到幾隻.唔知今年0甘難抽.唔知係未黑仔,

問得好,講得好!本人抽3手中信1616 及2手碧桂園,皆無功而返,反而其他朋友抽1 手還較多機會中,所以我十分認同和理解你的感受,現在還有洛鉬不知會否中,因把資金全放在這三隻股上,搞到中信銀行也不能抽,早知就每隻股抽1手好了,機會反而大啲。

其實抽新股同買六合彩差不多
我今次只係用一手抽中一手

因為我明知道我買幾多手
都只係抽到一手
不如分散投資
間間都買一手咪仲好

命裏有時終需有,命裏無時莫強求.
你懂嗎?

朋友,唔好嬲咁多喇!我一樣抽十手都唔中一手,我個同事就抽一手就中喇,真係時也命也...唉唉