女仔問:「你鐘意我D咩?」既標準答案?

鐘意一個人係唔雖要理由的

講心個句....愈多既贊美只會俾人膚淺既感覺....
我(女仔),如果我問個男仔,會係因為我想知佢真心話...
你愈plan...好似演講咁..我會懷疑你唔知同幾多個女仔講相同既說話...

睇下你GF係點樣既人...多啲贊美佢.等佢有多啲自信心都係好事

通常個女仔咁問既真正原因都唔係真係想知你鈡意佢d咩。而係想聽人讚佢，指出佢吸引異性既味力所在。所以你就要觀察佢既喜好而回答。不過通常女人都鈡意被人讚靚。但係咁樣唔夠detail。最好話佢清秀、有女人味、有時代感、笑容甜美之類。或者針對佢身體部位來讚佢，例如話佢雙眼明亮、雙腿修長、聲線迷人等等，當然你真係要講佢真係好既野，如果佢條腿猶如象腿，你仲話佢雙腿修長，咁就一聽就知你講大話。我諗每個女人總有一些身體部位是比人優勝的，所以你要找女友的靚部位應該唔難。你亦可以搵一樣你好多朋友都讚你女友既野來讚佢，例如你好多朋友都讚你女友溫柔，你就讚佢溫柔，咁就更具真確性，佢一定會信你唔係順口開河來逗佢。

2007-04-21 13:46:46 補充：
係人都鈡意被人讚，同係人都唔鈡意比人鬧係同一道理。如果有人話你知佢唔鈡意被人讚只係自欺欺人而已，到佢真係被人讚時，佢咪一樣開心？尤其是女人，女人都鈡意聽甜言密語。雖則好多女人都話自己唔鈡意口花花的男人，但係女人其中一個特性就係講既同做既不相符。好多女人都話自已唔鈡意男人花弗、口花，但係君不見逢係口花花或花花弗的男人反而好多女人鈡意？

我試得多了 ...

只要你含情脈脈的直望她雙眼, 然後說, 我鍾意的就是這個你, 整個的你 ... 再加上一個深情的 kiss ... 包保她沒有再發問的餘地 ~

通常都會係對方有咩優點, 或者好例句 : 妳靚女, 妳可愛, 妳溫柔....etc 以下省略.
如果係包著玩玩o下的心態問你, 你可以用返同樣的心態尋找適當的答案(會是當時佢的表情或情況多), 可以簡單d, 表面d 的

如果係浪漫式的, 即係你主動講的時候, 就講一d 比較細緻的野, 例如話佢細心, 這些都係靠平時你觀察到佢d 乜野而定.

女仔問:「你鐘意我D咩?」既標準答案︰
我鍾意你愛我 ~

鍾意你因為"你係你"!!

無論你既好, 你既壞, 你既笑, 你既咸, 你既幽默, 你既跳皮, 你既文靜, 你既活潑.........(下刪3萬8千字), 不論好壞 / 美醜, 總之係你既野我就鍾意.

最重要係..........你唔會不停咁追問我, 我究竟鍾意你d咩!!!!

問你自己la, 現實講米ok law

好人,靚女 ,邊方面(才能)叻, 同我好夾...