貓貓長期痾軟便, 點好?

其實, 我之前都有d貓b都有d咁既情況, 最後都好睬攪得到無事, 希望我既答案可以幫到你啦！不過, 由於我唔太了解你貓貓既情況, 所以我唔肯定呢個答案對你貓貓起到幾大既作用！

1. 首先, 我要先提醒你, 因為你貓貓既腸胃都係好似我d bb咁, 比較敏感既, 所以每次當你同貓貓轉任何既乾糧既之前, 都要狠下心腸, 先將貓貓禁食24小時, 你要記住, 一定要24小時, 等貓貓將佢係腸胃入面既野消化晒, 先好俾佢食新既乾糧！

2. 之後, 你可以嘗試用以下既糧食試下餵貓貓, 如果OK既, 3-4日就已經睇到明顯既變化！但係你一定記住, 每試一個方法之前, 都要一定要將貓貓空肚24小時之後先好試, 如果唔係, 個問題係唔會改善, 而且, 你再試以下既方法都係無用既！

a.白"卓"雞柳！好多時, 呢個方法都係work既, 如果唔得既話, 係有兩個可能性, 1.係你貓貓對雞肉敏感, 咁你就要立即停止喇！2.係你貓貓根本唔鐘意食雞肉, 咁就唯有試其他方法！而且, 當你發現貓貓用左呢個方法之後係work既, 咁你就要俾佢一路食住白"卓"雞柳 (至少1星期) , 之後先開始幫佢轉乾糧. 但係, 今次俾貓貓轉食乾糧既方法就麻煩少少, 就係俾佢試食幾粒先(好似當係小食咁俾佢食), 之後先至慢慢增加次數同數量, 直至貓貓完全適應為止(eg, 第1-10日5粒, 每日一次; 10-17日由5粒增加至10粒,每日一次; 18-21日由10粒增加至15粒, 分開早晚餵, 合共15粒, 唔係每次15粒！如此類推......等等)！

b. 係vet度, 買醫生糧 - royal canni既薯仔加魚(好似叫SC31, 唔記得左, 你去到再問下), 呢隻乾糧係for d敏感腸胃既貓貓既, 如果ok既, 之後就要一路食住(最好唔好轉, 但至少要食9個月以上), 直到問題解決先開始同佢轉其他乾糧！但係呢個時候, 你就要留意, 因為今次係唔需要空肚嫁！因為今次轉乾糧係0係貓貓便便正常既情況之下做, 所以, 你只需要幾粒、幾粒咁加落去佢食開果d乾糧度(每次最少要食左4-7日先好再增加加入新乾糧既數量, eg, 第1-4日加5粒, 4-8日由5粒增加至10粒, 9-12日由10粒增加至15粒......等等, 視乎貓貓腸胃既情況增加), 直至完全轉晒為止！切記！千祈唔好心急！如果唔係, 貓貓又會痾糊仔便便嫁喇！

c. Pet Shop度, 有隻乾糧係Hills - Natual Best (有魚味, 又有雞味), 係天然既乾糧, 對貓貓既腸胃好既, 由於, 貓貓痾糊仔便便既成因, 除左係腸胃敏感之外, 亦都有可能係D乾糧既蛋白質太高, 所以, 就要食D天然而蛋白質成份無咁高既乾糧喇！呢隻乾糧都幾貴, 但係我提議你最好都係俾貓貓長期食住佢, 以免當你又轉其他乾糧既時候, 貓貓又會痾糊仔便便！

希望以上既答案可以幫到你啦！有問題可以SEND E-MAIL俾我:[email protected]

祝貓貓身體健康！

Good Luck!

Gigi

我隻貓貓都長期痾軟便,直至看了醫生,佢介紹貓貓食獸醫配方的 royal canin intestine, 情況先有所改善,不過呢隻糧2kg都要成 $230, 真係好貴~所以之後我改為俾佢食 royal canin sensible(s33) (4kg $160), 係一隻為腸胃敏感貓貓而設的貓糧, 食左兩個禮拜效果唔錯,唔知你貓貓有無試過? 如無可比佢試試!
另外,貓貓痾軟便其中一個原因可能係佢食野食得太急,獸醫曾提議我遂粒遂粒糧餵貓貓~ 而當我隻貓貓一食濕糧又會痾軟便,所以應避免餵濕糧~

咁如果醫生唔覺得係咩大問題,
佢食得訓得玩得咪ok囉..
會唔會同成日食濕糧有關???