同BB做咩好呀?

我係兩子之母, BB 兩個半月大時可以同佢傾下計, 多 d 眼神交流, 你同佢講下野, 佢慢慢會 er, er 聲應你, 非常得意, 佢隻手仔係未控制得好好, 不過你可以俾你隻手指佢, 佢會自然咁捉住你隻手指, 很窩心的. bb 最緊要建立佢既安全感, 你陪佢玩, 傾計, 抱下佢, 佢就好開心, 成日都咁開心又點會成日喊呀.

好好享受這段時間吧, 小朋友好快長大, 同佢留下多 d 相處回憶係非常值得既. 影多 d 相同 video.

至於係要抱少 d, 上一代話會縱壞, 我自己既做法係, 咪抱佢囉, 自己既 bb, 抱多 d 有咩所謂, 縱壞佢 ? 到佢 大個, 你想抱佢都幾難, 而家 d 小朋友咁早熟, 到3,4歲, 都唔俾媽媽係街抱佢, 我會抱 bb, 喊定唔喊都可以抱.

我既經驗係大仔抱多 d , 反而少喊 d, 尤其出街時, 佢見到陌生地方或陌生人可能驚又喊喇, 但係因為媽媽同佢多溝通多 d, 一抱佢已經有安全感, bb 心情好快平伏就唔喊喇
細仔係頭3個月我冇咁多抱佢, 佢實在同我唔係幾熟, 一路都唔係好識笑, 出街仲幣, 地方又陌生, 個媽媽又同佢唔係幾熟, 真係有排驚有排喊.

如果要做家務, 可以俾佢係床仔睇住個 d 轉轉下既音樂公仔 (夾係 bb 床個 d 呢), 可以的話放 bb 係你做家務既視線範圍, 做兩做又埋去望下佢, 同佢 e, er 兩句, 咁又 ok 囉.

最緊要係令 bb 覺得有個時間表, 例如食完奶, 媽媽會陪佢一段時間, 或佢陪媽媽做家務一段時間, 就俾 bb 返房睡覺, 遊戲時遊戲, 休息時休息, 咁媽媽同 bb 都可以生活得有規律 d, bb 都容易湊 d.

以上係少少經驗, 希望幫到你, enjoy your time with your baby. Smile...!

你可以去fisher price 個 site 睇下，佢有好多遊戲，分不同年齡，仲會話個遊戲幫bb邊方面發展，幾好嫁。

http://www.fisher-price.com/fp.aspx?st=2320&e=activities&ctypecode=np&ccat=play_and_learn&cminAge=0&cmaxAge=3

我又係bb大概兩個月就跟住個site d 遊戲同佢玩，又時我唔會跟到足，會自己改少少。bb鍾意重複嫁，所以d 遊戲可以玩好耐。
其實初生bb好需要人抱，以前d人就話會縱壞，不過現在研究就發現抱多d bb 先有安全感，仲會喊少d，我自己就成日抱個女，佢現在兩歲4個月啦，都唔知幾乖，仲成日笑，我唔開心仲會過黎錫我，唱歌跳舞俾我睇。

BB每日咁成長, 兩個半月大BB0既媽媽其實都可以陪佢做好多野咖~~
1) 聽Music, 唔係一定要好艱深0既古典音樂, 我自己覺得兒歌同時代曲都好ok, 最緊要係俾到一個音樂環境佢, 可以的話最好唱埋歌仔, 咁對BB聽力發展, 節奏感都有好0既幫助, 媽媽0既情緒都輕鬆0的啦!!

2) 講故事, 可能你會覺得佢唔識聽, 不過咁, 興趣係要由細個開始培養, 唔可以話佢唔識就唔教住, 咁會miss左佢好多黃金時間, 媽媽習慣係訓覺or一0的自己安排到0既時間講下圖書or故事, 唔洗日日都唔同, 就算日日都係個本都可以, 最緊要係媽媽同BB個種交流!!

3) 傾計, 任可地方時間都可以同BB講下野, 朝早起身講下早晨, 佢眼仔碌碌咁未同佢講下天氣, 講下心事, 特別係佢eeoo時候, 一定要回應, 等佢知道有人care佢0既聲音, 仲要讚美下佢, 亦唔好因為係街怕尷尬而唔理佢, 咁絕對唔係一個好榜樣!!

4) 去街, 如果自己有車會方便0的, 不過無都唔緊要, 因為我都唔太主張去得太遠太耐, 近近地用BB車去下公園, 吸收陽光, 見下其他小朋友, 等佢可以用眼佢觀察事物而建立認知!!

5) 身體接觸, 抱佢0既時候<輕輕>按摩下佢手仔腳仔大脾仔, 因為佢地0既皮膚好敏感, 透過身體接觸等佢feel到媽媽同其他人對佢0既愛, 而且做多幾次你會feel到佢好enjoy!!

6) 玩玩具, 佢地細細個都可以陪佢地玩玩具咖, 布料or用人手按落去細細聲bit bit個0的, 媽媽可以用呢0的顏色靚又有聲0既玩具引起佢地睇野同郁動0既興趣, 到左大個0的佢地就會有用手拎玩具0既衝動!!

** 其實只要take care佢地0既安全, 你同BB玩咩野都可以咖, 我BB兩個月仲細0既時候, 只要佢有需要, 我都抱佢咖, 你試諗下佢一個人仔成日sleeping, 又無娛樂, 俾你都悶啦~~ 唔好因為怕佢日後難湊而吝嗇俾你0既愛BB, 佢地係好需要媽媽care咖, 如果有好多家務, 就要等佢訓左間斷式咁做, 係會辛苦0的 , 但係都值得咖, 努力加油~~~

BB两個月時會比坐月期間訓少咗, bb會想你倍佢玩, 你可以同佢身體按摩吓, 擦下腳仔,手仔, 比bb腳讓讓, 唱兒歌, 童謠, 同佢說悄悄話,

Play some music, and you can find some learning toys in toy's r us for those age baby