✔ 最佳答案
係腳既水腫. 平時企得多特別係咁.
血漿等液體經微絲血管滲入肌肉組織, 要入番淋巴系統先至返到心臟. 如果過程唔暢順, 就積係肌肉之間, 形成水腫, 特別係下肢, 要反地心吸力將淋巴液向上輸送, 所以水腫多數係腳, 小腿最明顯. 腳可以大左一個碼, 著唔入自己隻鞋.
空姐/長途機乘客都成日會有腳部水腫既問題. 佢地會著壓力襪, 或著兩層襪, 令淋巴液沒有太多地方滯留, 有助回流去心臟, 咁咪冇腫囉. 不過著兩層襪係突顯唔到美腿既, 咁就建議你去買d空姐用既壓力絲襪啦.
另外, 睡一晚覺, 個人訓平左, 冇地心吸力攪對抗, 自然淋巴液回流心臟就順利d, 即係話平日小休時可以晾反高d雙腳, 輕輕按摩一下都會有用, 或者唔好企咁定, 做下腿部運動如健身單車都可以令小腿肌肉收縮, 幫助將淋巴液泵走. 不過唔好太搏命做運動, 練粗晒小腿得不償失!
最後, 水腫同身體既水平衡有好大關係. 多飲水 / 液體係可以還原水平衡, 一日起碼一公升, 可以沖走毒素減少水腫, 最緊要健康!!
2007-04-23 10:57:54 補充:
回樓上sucker君: 如果係d肌肉relax定係contract 既原因, 最多係關運動/休息既事啫, 又關你gravity/pressure咩事呢, 你的答案和補充似乎自相矛盾.