我想問一個男人會唔會同一個佢唔愛既女人結婚家????
2007-04-19 9:15 am
我男友話唔係唔愛我..只不過係唔可以去愛我..(佢之前俾佢最愛既女人傷害過)話同我一齊個感覺好舒服,好自然 (更係啦..因為一直以黎,都係我就曬佢..從來都唔會做令佢唔開心既事..)佢話唔可以做到我要求佢對我好既方式.(從來我都唔駛佢講佢想我點..我會盡我能力去做到佢心目中想要既事/態度)佢講對唔住可能佢講錯左.(當時我哭得好厲害)佢話佢會同一個女人結婚一生一世..而個女人一定會係我.(我問佢可以同一個唔愛既女人結婚咩?)佢話我唔明佢想講咩.(我真係唔明.因為佢講既說話好矛盾.我同佢講之前你話愛我..但係而家你就話唔"可以"去愛我.咁你而家話會同我結婚.之後你都可以話"對唔住.其實我唔可以同你結婚".咁我點呀?)佢話我打橫黎講..總之佢一定會同我結婚..因為搵一個可以一齊會好舒服同自然唔係一件好容易既事,我真係好無力.難道,.我又可以同一個唔"可以"愛我既男人結婚嗎?或者係我自己想得太遠.我唔知道再用邊種態度去面對佢...可能我愛得唔夠偉大.付出過咁多.點都希望換來一句情人之間專屬既"我愛你"
回答 (4)
2007-04-19 9:28 am
✔ 最佳答案
我覺得你係一個好女仔,但係我覺得佢某程度上係唔想辜負你,
因為你真係對佢好好,佢就係覺得咁所以咪想同你一齊lor.
但我覺得其實佢已無形中愛上了你,可能係佢唔知,
其實係佢的回憶令佢以為最愛的唔係你,可能係佢放唔低,
但如果以我性格,我中意一個女仔,可以完全對以前的冇feel,
見到佢無乜野,hi下咪算,拍拖都唔關我事,
你如果有信心的,叫佢放低往事先同佢一齊,
唔係就對你好唔公平,俗d講唔中意人唔好玩人,
不過佢如果覺得同你一齊個感覺好舒服,
'好舒服'其實要真愛先會咁,可能係日久生情都唔定.
至於我要提一提,如果你真係覺得我講的唔正確,
佢真係唔愛你,
我想請問你或者你家人係咪好有錢?
又或者你係咪好靚?
如果係就,我建議你諗清楚先la
2007-04-19 10:27 am
同你一齊感覺好舒服自然，都係因為你肯就佢jei
拍拖就得，咁結左婚後，又就得幾多年?
唔愛同愛，中間仲有個"鍾意"
"唔係唔愛"唔代表"愛"....
有可能佢真係愛你，但係始終有條刺，所以唔敢放開個心去愛你
但係要等到佢發掘到，再等到佢對你好，好累呢...
男人到左某個年紀會想結婚，到時可能只要覺得好相處，符合到自己要求就去註冊
"千杯不醉"有個情節
「你估我唔知擺0係屋企0個件應該係點架咩~」
「夠實用咯」
有句流傳左好耐既野：
同你結婚既，未必係你最愛，亦未必係最愛你
如果你愛佢，又或者你同佢一齊都係好舒服好自然....結唔結婚就在於你有無呢個諗法吧
拍拖就得，咁結左婚後，又就得幾多年?
唔愛同愛，中間仲有個"鍾意"
"唔係唔愛"唔代表"愛"....
有可能佢真係愛你，但係始終有條刺，所以唔敢放開個心去愛你
但係要等到佢發掘到，再等到佢對你好，好累呢...
男人到左某個年紀會想結婚，到時可能只要覺得好相處，符合到自己要求就去註冊
"千杯不醉"有個情節
「你估我唔知擺0係屋企0個件應該係點架咩~」
「夠實用咯」
有句流傳左好耐既野：
同你結婚既，未必係你最愛，亦未必係最愛你
如果你愛佢，又或者你同佢一齊都係好舒服好自然....結唔結婚就在於你有無呢個諗法吧
參考: 書、朋友經驗、自己睇法.....
2007-04-19 9:53 am
會, 而且結了婚, 生了仔以後, 如果變了心, 會同老婆說, 第三者先係佢的真愛...同你結婚只是因為當時不認識第三者, 大家都沒有錯, 是時間TIMING不對....
阿小姐, 從來愛都是自私的, 偉大是要犧牲的, 犧牲是要吃苦的....只有苦的愛情...要來做甚麼?你叫那個所謂男朋友去寫小說啦... 講埋D嘢九唔搭八, 同你一齊, 愛你, 但唔可以愛你...
原因好明顯啦...你唔係佢最愛那一個law...又怕你走, 又怕你痴身...
我勸你別對他抱任何希望, 如有不妥馬上走人...不用太執著付出過甚麼, 應該想想是否要/應否繼續付出下去...隻股買左幾多錢都好, 蝕就要暫倉, 否則就是一個萬劫不復的深淵...
有一個佛理的事, 出處不記得了, 老公包了小老婆, 要同正室離婚, 請問是誰較慘呢?
答案 : 老公較慘, 因為老公沒有了一個愛他的女人, 而正室只是失去了一個不愛她的丈夫...
你緊張他, 他不緊你...你不覺得自己可以抓一個更好的嗎? 不平衡的關係, 是永遠沒法有好結果的! 好自為之吧!
阿小姐, 從來愛都是自私的, 偉大是要犧牲的, 犧牲是要吃苦的....只有苦的愛情...要來做甚麼?你叫那個所謂男朋友去寫小說啦... 講埋D嘢九唔搭八, 同你一齊, 愛你, 但唔可以愛你...
原因好明顯啦...你唔係佢最愛那一個law...又怕你走, 又怕你痴身...
我勸你別對他抱任何希望, 如有不妥馬上走人...不用太執著付出過甚麼, 應該想想是否要/應否繼續付出下去...隻股買左幾多錢都好, 蝕就要暫倉, 否則就是一個萬劫不復的深淵...
有一個佛理的事, 出處不記得了, 老公包了小老婆, 要同正室離婚, 請問是誰較慘呢?
答案 : 老公較慘, 因為老公沒有了一個愛他的女人, 而正室只是失去了一個不愛她的丈夫...
你緊張他, 他不緊你...你不覺得自己可以抓一個更好的嗎? 不平衡的關係, 是永遠沒法有好結果的! 好自為之吧!
2007-04-19 9:35 am
身為男仔，我好明白佢點諗
恭喜你，佢係一個好長情專一既人。。。
佢唔可以去愛你，因為佢知道佢未放得低佢以前個女朋友
但係佢知道你係一個好女仔，所以佢一定唔想辜負你，同你結婚
佢唔可以去愛你唔代表佢唔愛你，只係佢過唔到自己o個關
好明顯，佢以前係好深深咁愛佢個女朋友，所以到依家先會仲有野留低
我相信，你只要用時間去豐富你地之間既回憶就可以打動到佢
不過，你唔好盼望結左婚之後佢會唔記得佢個前度女友，佢一定會依然留戀gar lar
一切都係心結，解唔到，不過我可以肯定佢唔會唔愛你
珍惜眼前人~~~~愛就是一切，其他都唔重要啦~~~~~
比心機
恭喜你，佢係一個好長情專一既人。。。
佢唔可以去愛你，因為佢知道佢未放得低佢以前個女朋友
但係佢知道你係一個好女仔，所以佢一定唔想辜負你，同你結婚
佢唔可以去愛你唔代表佢唔愛你，只係佢過唔到自己o個關
好明顯，佢以前係好深深咁愛佢個女朋友，所以到依家先會仲有野留低
我相信，你只要用時間去豐富你地之間既回憶就可以打動到佢
不過，你唔好盼望結左婚之後佢會唔記得佢個前度女友，佢一定會依然留戀gar lar
一切都係心結，解唔到，不過我可以肯定佢唔會唔愛你
珍惜眼前人~~~~愛就是一切，其他都唔重要啦~~~~~
比心機
收錄日期: 2021-04-12 20:24:59
原文連結 [永久失效]:
https://hk.answers.yahoo.com/question/index?qid=20070419000051KK00207