成羅倉鼠問題等你答ar!!!! 急!!!!! (10點)

但係成日淨係識得食同訓,5知佢係咪有病le????

倉鼠係日頭訓覺夜晚活動既,如果你既作息時間同佢相反,就好易只會見到佢食同訓,就算你半夜成日起身,都未必會遇到佢既活動時間.

而且你隻鼠只係買返唻幾日,根本未熟悉你同周圍環境,驚既話呢埋都好正常,但如果令鼠鼠太驚既,會嚇死佢既.所以初初買鼠返唻,頭幾日就唔好打擾佢,幾日之後再隔住個籠叫佢同俾野佢食,等佢認下你把聲,知道你係對佢好,先慢慢再同佢熟.

一下子食太多野,5會5會飽死+?????

鼠鼠係會識得飽就唔食,所以唔洗擔心.鼠鼠好鍾意收d野食入腮,再運去安全地方先拎返出唻放好or收埋(我以前有隻鼠就鍾意由2樓運野食去地下木糠下收埋,唔洗籠都唔會見到),可能咁都會令人以為佢食左好多好多野.

倉鼠食ge維他命C乳酪糖可以係澳門邊度買ar???無事又食5食得+???
我唔知澳門邊度有得買,我係hk人.但我經驗令我覺得,唔俾鼠鼠食任何零食,會比俾其他野鼠鼠食更加好.只係俾主糧就足夠啦,當然係一包好多唔同野在內既主糧啦.曾幾何時我都會俾d話好有益既野俾鼠鼠食,但到我試過完全唔俾之後,唔俾既情況反而好非常多,我隻鼠3歲左右,已經好老,toch wood講句,佢咁耐都冇病過.

唔亂食野,唔會俾鼠鼠凍親or熱親,小心個籠唔會有d咩整傷鼠鼠,自己有唔舒服就唔好掂佢,做齊既話,我覺得都算係預防疾病既好方法.

如果我隻倉鼠有病,會5會傳染俾其他倉鼠或者傳染俾我+???

要睇下咩病啦,肚瀉,感冒,傷風,濕尾症(有壓力 or 細菌感染,有肚瀉徵狀),都係會傳染俾其他鼠既,而人既感冒都會傳俾鼠.

病就好少會由鼠傳人,得一隻沙門氏菌係有可能,不過多數對都冇咩殺傷力.有沙門氏菌就會肚瀉,鼠鼠幾日內就會死,但唔係次次肚瀉都會係沙門氏菌,唔放心既話,你隻鼠有類似情況而死,可以拎去俾獸醫睇下既.生雞蛋入面就有好多沙門氏菌,對鼠鼠唻講係好易致命,但對人就可能只係肚瀉,所以都唔洗太過驚既.

佢地可以食咩蔬果,5可以食咩蔬果ar???

我覺得唔好俾鼠鼠食蔬菜生果會好d

1)好多蔬菜都會有農藥,人食既時候整得唔熟都已經有問題,而鼠鼠既體積咁細,極少農藥都會做成問題,所以俾鼠鼠食係好危險既.

2)咁多水份既食物好容易令鼠鼠肚瀉既,肚瀉對鼠鼠唻講係幾嚴重既病,好易會死架.就算毫無農藥成份既蔬菜,都好難控制俾幾多蔬果俾鼠鼠食,好易俾過多,所以唔俾好過.

3)其實人類既食物大多數都唔適合鼠鼠食既,所以俾鼠糧鼠鼠食就ok啦.以我經驗,只係俾一d雜糧(一包有好多唔同野既主糧),唔洗俾其他野鼠鼠食係最好既,個人經驗係愈少雜食,鼠鼠身體愈健康,可以去到年老都冇病.

係咩情況下佢地會掉毛????又可以點醫+???

只係甩毛,而甩既毛唔係3幾條,係甩到見到冇左一部份毛,就係因為皮膚病多數甩先都係因為環境唔衛生而做成. 如果生左粒粒,都會在粒粒附近甩毛既,有粒粒就係腫瘤,腫瘤就要睇醫生先得

皮膚病好少會致命既,有皮膚病既做法:

1)有皮膚病就要保持個籠乾爽清潔

2)同鼠鼠每日用藥性沖涼粉沖涼,之後噴/搽藥皮膚病既藥水,藥水應該好多有賣鼠用品既地方都會有,買既時候記得睇下有效日期.

藥水噴落傷口既時候,鼠鼠既反應會好大,我諗應該幾痛啦,所以下次噴就會更難,鼠鼠會反抗愈唻愈大,小心d唔好因為咁而噴到鼠鼠既眼耳口鼻.如果脫毛既地方接近頭部/擔心會噴得唔好,就可以用棉花棒同鼠鼠搽藥.

3)曾見過有俾鼠鼠飲既皮膚病藥水,唔知澳門有冇,如果買到都可以加入鼠鼠飲用既水度俾鼠鼠飲,雖然效果比較慢,但唔洗噴藥咁難.價錢就比較貴,買既時候記得睇下有效日期.

4)唔好俾零食俾鼠鼠食,戒下口先,曾經有鼠店既人話,食人食既食物都會引致有皮膚病,而人既食物其實一般都唔適合鼠鼠,所以唔俾鼠鼠食都係好既.

沖涼粉掉左落耳仔,會5會死+?????

沖涼粉其實只會在你同鼠鼠沖涼時,鼠鼠先會接觸到,只要你唔係向正佢耳係倒落去,小心d倒,就算有d粉入到耳仔,其實個份量都唔會多,咁係冇咩問題既,有d鼠沖涼會自己郁唻郁去,咁就更加好,會整返d粉出唻.

但如果你話真係咁唔小心,大量粉倒左入耳,而又見到隻鼠冇咩整出唻,事後又好似有唔舒服,咁就要帶佢睇醫生睇下有冇事啦.

另外,睇你話怕隻鼠有病會傳俾其他鼠,唔知你係咪一個籠有放多過一隻鼠,如果係既話,就希望你會知道,倉鼠係獨居動物,到發情既時候先會一齊,佢地既地盆意識好強,我睇書講過,外國既倉鼠繁殖場,都係一隻籠一隻鼠,再到交配既時候先放埋一齊一段好短既時間.

鼠店既鼠仲好細,所以唔會打得好犀利,而且你睇到鼠店既鼠既時間都未到深夜,唔係鼠鼠最活躍既時候,所以未必俾你見到有咩問題.但我曾經見過,鼠店一堆鼠入面,有隻鼠已經得返d白骨…所以鼠店講既野,唔好盡信.

您首先要了解倉鼠的特性才養。養小動物不應該一時衝動的！生命嚟架！！！掂都好，都養嘞！ 好在你想識得去問人！

但係成日淨係識得食同訓,5知佢係咪有病le????
- 正常架。您唔想佢咁悶，咪買Ｄ玩具比佢玩囉。有平有貴。我就用個大塑膠衣箱，再去旺角金鱼街，一些竉物店，搜籮一些得意的玩具放進去，給她（們）玩！

一下子食太多野,5會5會飽死+?????
- 倉鼠，很有節制。聽個「名」就知啦！！！你唔好以為佢狂食。佢哋食食埋埋之後，會放到屋仔內，閒時慢慢嘆！

倉鼠食ge維他命C乳酪糖可以係澳門邊度買ar???無事又食5食得+???
- 似乎你想食多Ｄ！平時食的乾糧都已足夠。如果，你真的要買。唔駛去到澳門，旺角金鱼街，有很多竉物店內有發售。注意：食得太多會壞牙仔架！！！

如果我隻倉鼠有病,會5會傳染俾其他倉鼠或者傳染俾我+???
- 據我了解，倉鼠不會傳染任何病比人。至於，皮膚病，傷風，感冒.....會是因為大家同一屋簷下受感染，或是傳染。請教獸醫啦！我已準備了在家附近給一些廿四小時獸醫的資料。

佢地可以食咩蔬果,5可以食咩蔬果ar???
- 我會買Ｄ有機蔬果比倉鼠食。洗淨後，切粒或切絛，我會再用煲過的凍水冲冲，才給她（們）吃的。生菜，西蘭花，蘋果，雪梨，士多卑利，藍梅，.....都是她（們）的至愛。但不要給太多。一荼匙左右的份量。

係咩情況下佢地會掉毛????又可以點醫+???
- 你懶惰，倉鼠便會掉毛囉！！！我放沖凉沙，少少爽身粉在隻不綉綱碗內，每日都會比她（們）去玩。她（們）冲凉時，好得意！冲完後，讚吓佢好靚和香噴噴。她（們）會好Happy ！！！

仲有，我差不多日日替她（們）換木槺。一星期稀釋了的滴露大清洗個籠，屋仔，....一次！

沖涼粉掉左落耳仔,會5會死+?????
- 倉鼠會自己清理的，不用太擔心。福大命大死唔去架，唔駛擔心！

************** 我擔心您多過隻鼠鼠！！！！！！！！ *************

2007-04-19 22:02:20 補充：
如果，您養唔掂，又或者唔想再養，我好樂意收養她（們）的！！！

2007-04-19 22:04:46 補充：
http://www.youtube.com/watch?v=3J47YvC9OOA http://www.youtube.com/watch?v=uRkDQzDw2Jw

2007-04-20 00:07:17 補充：
我就用個大塑膠衣箱，搜籮一些得意的玩具放進去，給她（們）玩！See ！！！http://www.youtube.com/watch?v=eymY21IfWnU

你唔好俾太多瓜子佢呀，最好幾個星期先一粒，因為食得多會生瘤，其實最好唔好俾添！

佢緊係冇病，有d倉鼠好鐘意食同訓~
一下子食太多野，佢唔會死，只會大便~
倉鼠食ge維他命C乳酪糖可以係澳門黑沙灣~無事食唔食都OK~
如果你隻倉鼠有病，5會傳染俾其他倉鼠或者傳染俾你~
佢地可以食蘿白等等，其實倉鼠唔好食太多蔬果~(最好唔好比佢食喇)
如果佢唔係有病，都唔會掉毛。如果真係掉毛就帶佢睇Doctor喇~
沖涼粉掉左落耳仔，5會死，只會耳仔發炎~
所以要小心啊!