辭職問題(麻煩大家)

如果你想4月24號辭職, 你要4月24號遞信俾公司, 辭職信date4月24號, 一個月通知, effective date 就係5月24號, 即係 last day 係5月23號囉.
如果你想扣大假, 就必須要公司同意, 因為勞公處規定員工喺通知期內係唔可以扣年假早走gar, 除非公司同意啦.
如果你想提早兩星期走e.g.5月10號走人, 你就要補番14日嘅人工俾公司 (5月10日至5月23日, 係以number of days計, 唔係只計working days gar, 就算你一星期只返五日工, 都要補足14日). 你5月先走, 4月份糧仲可以全數袋袋平安, 但5月就應該無糧出, 兼夾你要補番錢俾公司, 因為當你10號走人, 公司理應出番1至10號嘅糧俾你, 但你又short notice 咗14日喎, 所以公司會倒扣你14日糧, 因此你5月唔單只無糧出, 重要賠番4日錢俾公司tim, 如果公司肯俾你用你o個3日大假扣, 你咪賠少3日囉, 如果佢唔肯俾你扣大假, 佢就要補番o個3日假嘅錢俾你喇, 其實結果都係你要賠1日俾佢.

如果你未出糧, 咪扣錢囉, 如果出咗(例如你月中出糧既), 連扣錢都未夠賠, 咪補錢囉。
你邊日辭職, 邊日開始計一個月。如你5月24號辭(雖然係紅日, 但睇你話24號返公司辭職, 估你公司要返shift, 所以同一般公司唔同), 你last day 咪係6月23號囉。再扣3日大假, 即20號。
想提早2星期走, 即2星期-3日大假= 補番11日比公司。
如果你間新公司等得, 當然等得幾耐得幾耐啦, 唔駛你自己比錢走。
另外, 你last day 之前幾日, 最好提提公司人事部記得係你last day 時比埋封reference letter 你, & 清楚計比你睇你要補錢個條數, 如果你唔明, 可打去勞工處問。講個情況佢知, 問佢公司咁計啱唔啱

1) 打電話返公司辭職,口頭辭職唔可當辭職,要black & whtie書面正式辭職才OK!

2) 如果你4月24號去interview,立即知道result is OK. 可立即回公司遞信辭職,lastday是5月23日, 如果昱日辭職, lastday是24號. (一個月通知是等於三十日通知, average 計法)

3) 你有3日大假, 人事部會係你份糧計算(錢)給你,想扣假早啲走,會問准你上司和人事部批准,否則他們會要求按一般勞工法例計糧,計假,計伐通知金, MPF etc...

4) 想提早2星期走, 人工會點扣/賠錢2星期人工俾公司,等同2星期伐通知金