請俾意見哈thanks

唔係呀馬,你應該今個月就會考,
呢個時候佢先至同你分手?
佢自己係唔係會考生呀?
太唔應該喇.
如果我係你,我呢個時候就唔理佢咁多,
閉門造車,好好搵習,迎戰會考.
其實會考其間,拖住個女朋友真係好麻煩,
又要同佢拍拖,又要溫書,真係包袱.
如果佢都要會考,大家都溫書就輕鬆d,
但係如果佢唔使會考,又唔體諒人,成手揪人陪佢就煩死.
我唔係主張會考大晒,要六親不認,
話之個女朋友係生係死咁衰.
但係而家唔係你唔理佢,係佢飛你喎.
所以你就算數啦.
其實會考時期拍拖又煩,分手都煩.
呢個時候分手,突然令你心情唔好,受困擾,
咁覺得煩就溫唔到書.
但係唔煩都煩左,咁就只能將傷害減至最低.
如果你仲去補鑊,side時間同佢復合,氹番佢,就仲煩.
你睇下日曆,你得番唔係好多日.
所以而家做最後衝刺,讀書啦.
最好就好似而家咁,唔好搞復合住.
復合唔係一句「我地一齊番啦」就搞得掂,
係要等,又要講數,佢又要扭怩,先至得,
真係side時間,心機等等.
你唔好考考下試個心又飛去第二度,等佢答覆......
所以真係唔好理住喇.
女朋友緊要,前途都緊要呀!
考先再搵佢都仲得,但會考衰左你有排辛苦.
所以最好真係msn都唔好玩,而家太近考試喇.
考晒先搵佢復合啦,可能冇見一排佢珍惜你呢.
雖然到你考完佢可能同左第二個一齊,
但係都唔緊要啦,你地都分左手,
如果佢咁快有第二個,即係你真係對佢唔重要啦.
既然如果,咁苟延殘喘既感情留唔住又何必勉強?
總之,會考大過天.

請你專心會考 請你明白現時付出 就是將來的生活質數 請你想想買洋樓養狗 就勤力讀書 你想搵得幾千蚊交租定養自已 到老左申請公緩 女人,有錢就有女人

佢有冇話明絕交? 佢飛你又主動搵你傾計, 原因有4:-

1) 佢知你快會考, 想讓你專心溫習, 不想你分心影響你. 是為你好.
2) 女仔是以退為進, 試吓你, 她在你心目中ge分量, 你care不care佢.
3) 佢真ge想泠靜吓, 考慮清楚與你ge關係.
4) 佢真ge想飛你, 但又有點不捨得, 佢還在十字街頭徘徊.

女人心海底針, 我看第1), 2)項可能性較大, 復合既機會好大,
無論dim樣, 你快會考, 最緊要考好試, 同佢講明, 等會考完就追死佢.