養墨魚及八爪魚 ...

Lam

2007-04-18 4:55 am

我想養墨魚或者八爪魚 ga ... 不過以前連魚都未養過，所以好多野都唔知 ... 如果可以 ge 話，請答得詳細 D ... Thz ...

(1) - 請問養墨魚或者八爪魚要有咩設備 ?

(2) - 請問養墨魚或者八爪魚要有咩條件 ? (eg. 水温、水 ge 咸度 ...)

(3) - 墨魚或者八爪魚是吃什麼的 ? (因為我上網見到有人話八爪魚要食飽魚 ... 好貴 ... xDDD)

(4) - 墨魚或者八爪魚會唔會好易死 ?

(5) - 如果墨魚噴墨 ... 難唔難清理 ?

(6) - 我係想養細細條 ge 養墨魚或者八爪魚，如果養大左會變到幾大 ?

(7) - 墨魚或者八爪魚係唔係無毒 ga ?

(8) - 墨魚或者八爪魚大概可以養幾耐 ?

(9) - 墨魚或者八爪魚可以係邊度買到 ? 要幾多錢 ? (我上網見到有人話魚街都買唔到 ...)

(10) - 總括來說，養墨魚或者八爪魚 (包括買、養、準備各種設備) 總共要幾錢 ?

回答 (1)

keith

2007-04-18 8:55 am

✔ 最佳答案

好難想像有人想養墨魚／八爪魚。要知道呢ｄ海洋生物都唔細隻，有一種好小型o既八爪魚要ｄ藍班紋（唔記得名），但係有劇毒。

我只養淡水魚，未見過有淡水墨魚／八爪魚；要養就要有咸水魚設備，缸要大（八爪魚有能力爬上陸地，要有蓋），有地方俾八爪魚匿（任何闊口罐都ｏｋ），要有水冷機，濾水器；墨魚可能要有假珊瑚、石。餵食方面魚蝦蟹都ｏｋ，但相信要活餌。相信佢地交配完都會死。大o既墨魚都應該有兩尺（去睇睇打冷吊出o黎橙色o個隻熟左縮水o既先啦），八爪魚大得多！噴墨就大件事啦，你要換哂成缸水！

買呢，我真係未見過有，除左去大澳、西貢呢類海鮮出售點，但係如果你連魚都未養過，我勸你真係唔好諗，玩下魚算啦！呢ｄ大型生物就算你帶到返屋企唔死，冇足夠活動空間相信都冇乜機會養得耐。而且養咸水器材都貴ｄ架！

👍 0 👎 0