下年二月新年大假(唔係紅日)去北海道跟團

2005年新年跟過東xx去北海道五日.
團費大約$10000<我係紅日>
洗費+所有雜費.個個洗發唔同,
個街會sale你買野,例如:用炭做的洗頭水,朱古力......等等,淨係幫個街買野都買左四千幾.
去到會食牛,千幾蚊一客.咁當然洗唔洗以上費用就好睇你自己啦.

個導遊一般啦,
住的酒店,有一晚溫泉幾正.
有一晚就唔得囉,食完晚飯搭幾個鐘車去,第二日又搭返幾個鐘車出返o黎,中途係完全無景點.不過跟團周不時係咁.

識o下買D盒裝拉麵返o黎食吖,幾正.但唔記得咩牌子>.

2007-04-18 12:09:52 補充：
食就一般啦,有一餐中午飯自費去魚市場食,超正,海膽,長腳蟹,トロ,好味,

2007-04-18 17:41:07 補充：
導遊唔會帶你去買野,佢只會係車度sale你D北海道特產.朱古力.糖,豆.日本出的日用品,唔一定要同佢買,

我試過11月尾跟東瀛遊去北海道7日, 團費已經萬幾, 加埋小費同埋自己買野食野, 大概用咗兩萬.
我o個團係豪華團, 所以團費比較貴, 但食好住好: 食懷石料理, 魚生刺身, 但餐餐都食得飽; 住湖邊溫泉酒店, 晚晚都係五星級. 我覺得絕無欺場, 貴D都底.
o個團領隊同導遊都係同一個人, 佢好專業, 日日交足功課, 又無迫我哋買嘢, 佢只會介紹下佢覺得邊間買嘢底, 去唔去買就我哋自己決定. 不過佢比較有性格, 唔鍾意團友喺佢講緊嘢時瞓覺, 佢會叫番醒D人gar.

我印象中省儉地約10000內一個人(如你大吃大買洗費自然更勁!)團費6000左右,機場稅、保安稅、燃油附加費、保險共1000-1300,再加導遊費,玩得鬆動些預12000啦!
另要看你出發日子是否紅假前後3、４天,旅行社按是否需求大而加、減價,到時一個月前去夾價啦!東xx、縱xx、永x、康x都不錯的明碼實價,新x較平不過食用就......