我想今個星期六日租部車揸下,吾知車之城好吾好呢?有冇人有好介紹?

本人都有去過車之城租車! www.carandcity.com
1)其實租車公司應該會有一張合約,上面會有寫明左你和你要租該部車的資料及條款(唔明就要問到明白,這是消費者的權利).
2)應該會有一幅車圖劃你要租用的車有什麼花痕,凹痕等等!
3)如果發覺有什麼唔對勁就合約都唔好簽錢唔好比即走人!

其實最好就係搵朋友介紹或者自己親自打電話去查詢!!!!

我在復活節其間租左3日,係租部accord共$1350,佢地平左$50比我。
到還車時見佢地d職員在車的外圍行一個圈後便交回車給佢地,佢地仲問我部車性能良好嗎傾左幾句!!還給我一張$50的優惠券! ^^

2007-04-18 19:31:23 補充：
如果你冇睇清楚部車就比錢取走,之後先打電話同人講返咁就變左口同鼻拗!到時好難講話誰岩或誰不岩了!!

大家千萬不要到車之城Car & City租車，因為佢哋好唔均真！

我零七年六月搵佢租車，我好唔好彩泊車時撞花架車，佢哋話要到原廠整，報咗$3500，佢哋話會當晚馬上整，仲話會卑番車廠的收據副本給我。另外佢地話要賠賞公司的損失，最後傾咗賠$500，合共$4000。

過兩日我打去問架車整好未，個職員態度好差，又講唔出有冇拎架車去廠整，所以我打去車廠check，原來佢地根本冇攞架車去整。之後我打去車之城理論，佢哋就話唔得閑整，等咗成個月，都唔肯卑收據我。

我去車房問過價都只係二千幾蚊，相差成千蚊，我好有理由相信佢地用咁0既手法食差價，所以大家最好唔好搵車之城啦！

本人對車之城有以下經驗：
我朋友在很久之前同車之域租過部accord，佢係黃昏時間租既，部車有好多暗花，但因天暗未能細心留意每處，個職員又同我朋友講細微暗花不需理會，所以亦只係大約驗，但佢駛部車返屋企停場，發覺司機門及車尾有花，但沒有紀錄在驗車圖中，他馬上打去車之域同職員講，個職員仲話唔緊要，佢地係知既，唔會入我朋友數，我朋友亦冇再理會，結果還車時個職員話係我朋友整花既，我朋友話已通知過佢地職員花的地方係租之前已有，只係驗唔清楚冇紀錄在驗車圖中，但佢地死口唔認接電話，我朋友都冇辦法，我朋友話送去原廠報價，佢地又唔俾，結果要賠天文數字，個數字係佢地隨口講，仲貴過番原廠多多聲，我朋友話報警，佢地又有嚇人的說話(粗口都有)，結果都賠比佢地，當買個教訓。
事後聽講車之城有在荔技角展銷場有做賣車，都有好多劣評。
總之你自己小心啦!

我個人亦有以上的經驗，考取車牌後，但又沒有車可以揸。後來，曾經光顧街上的小型租車公司。但好多時啲人會欺負你，新牌及冇經驗。所以若然真的想租車揸，最好去大型租車公司較為穩健。例如：全球大型租車公司，"AVIS"，當時大約日租 $750。氣油另計，用多少自負。若租用五、六、日，最為化算，約$1500左右。

2007-04-17 17:37:47 補充：
我個人亦有以上的經驗，考取車牌後，但又沒有車可以揸。後來，曾經光顧街上的小型租車公司。但好多時啲人會欺負你，新牌及冇經驗。所以若然真的想租車揸，最好去大型租車公司較為穩健。例如：全球大型租車公司，AVIS 當時大約日租 $750。氣油另計，用多少自負。若租用五、六、日，最為化算，約$1500左右。