買樓一問---想自住金獅花園 ( 熟悉人士不妨給一些意見)

1) 無論咩關係都可以聯名購入物業

2) 如果你諗住大約 80 萬, 基本上在 2 期買唔到 2 房 ( 1 期都不太可能 ), 俾你買到都要 check 清楚

3) 我當你最後成交價 80 萬, 攞 10 萬做首期, 利率我當 6厘 (e 家多數都係 p - 3%), 分 20 年還, 月供大約係 $5000, 咁梗係買抵過租啦~金獅大單位租都要呢個數(租同倒 d 錢落海冇乜分別, 幫人供樓...), 其實做幾多成按揭都冇問題(最多95%), 視乎你同你女朋友本身入息
一個細單位 5 萬裝修已經可以好豪裝 ga la... (千祈唔好揀d有裝修, 因為金獅炒家多, 怕係化妝樓)
辛唔辛苦你哋自己衡量 la, 如果你哋好大使幾多錢都辛苦 ga la...
金獅d樓價比其他私人樓低好多係因為實用率只有大約 65%, 同華懋口碑比較差, 但佢方便就真嘅, 管理各樣都好好, 維修唔使夾錢(因管理公司直屬華懋, 長期有條大水喉射住)

唔好介意我咁講, 你哋每人每月大約有10000 流動資金, 點解唔考慮買金禧花園?
話晒大圍區內唯一新鴻基樓, 就快維修同夾好晒錢, 全部兩房 (金獅全部原則一房), 地點正正在大圍市中心, 遲d大圍上蓋起好一定升得仲快, (雖然買嚟自住, 但你結婚生仔都要換樓, 咁不如買d升值力高嘅...)
我當樓價 140 萬, 利率我當 6厘 (e 家多數都係 p - 3%), 分 20 年還, 月供大約係 $9300, 你可能話唔夠錢用, 但針冇兩頭利, 你自己諗 la~

金獅花園的樓價比同區其他私人樓低好多，原因好簡單，樓宇質素差以及管理質素差，已是好出名的事，無人話俾你聽咩？
金獅花園是華懋集團建成的私人住宅樓宇，其實華懋集團建的樓樓宇設計以小單位為主，實用率都比其他私人樓宇低，又加窗台，所以就好搵笨，話五百呎單位就連四百呎實用面積都無，所以許多單位都細過人，住落就覺得唔夠住，因此願意買的人少，樓價自然低。
而且華懋集團管理好家長式，多次阻止業主組織業主立案法團，阻止業主監督管理公司，所以做小業主就好似被人壓迫魚肉，是自己的物業都理唔到，你話興唔興？我有朋友以前住金獅，就是不滿管理公司這種做法，所以賣了樓搬走，好在他老哥講出事實，唔係我自己都幾乎中招，當年小弟置業時都有睇過金獅花園，都有興趣買，不過知道有問題就走人囉！所以買唔買得過，你自己諗清楚啦！
不過個人建議，租金獅花園無問題，話晒近獅子山隧道口，自己駕車出入方便，不過買就要諗清楚啦！話晒都成廿年樓，維修保養開支不受監管，就即係襟住被人搶！
聯名物業無規定有甚麼關係才做得，自由市場當然是自由買賣啦！所以結唔結婚先影響不大。
至於要攞幾錢做首期，是睇下物業接偈可以借到幾多錢。一般銀行都是做七成按偈，即是市值一百萬的樓做按偈只借到七十萬，其他的就要你自己想辦法籌啦！而最重要的是，銀行估價，同業主出價未必一樣，有時會估低一點，即是唔到價。以你想買的樓為例，業主開價八十萬，如果銀行估價到這個價，就可以借五十六萬給你，而你就要準備二十四萬才可以完成交易。但若銀行只估到七十多萬，舉例估七十萬，業主唔會因此減價，所以銀行只借到你四十九萬，你自己就要籌五十一萬。所以你決定買樓前要先問銀行那個單位估唔估到業主開的價先好諗，若然未攪清楚就落訂話，之後才攞層樓去估價，估唔到價時你去那兒籌錢，在指定交易日時未籌夠錢，就當你毀約，可以中止交易，沒收你的訂金，就損失大啦！
裝修預算睇你要整咩，要油油定做牆紙，要唔要做入牆櫃等，你都無講要求，所以好難幫你做預算。
而供樓每月供款最好不超過個人收的一半，如你有兩萬元平均收入就預不過一萬元供款，就比較穩陣。而供款期一般都是十五年及廿年，因為你都無講年紀，就好難講，因為你年輕就可以供長點，供款就少點，就供得輕鬆，當然給銀行多賺利益，如果年紀大，銀行都會加點利益及不會批太長，那就會供待得吃力。另外職業都會影響銀行批供款額及還款期，因為你沒有提做那些行業就估唔到啦！