第1次到泰國,想自由行,希望大家可以幫手!!

如果初次
我大約同你plan下:
第一日: 到達曼谷, 事先book定車接你去芭堤雅, 入住woodland resort hotel, 去join定明天的one day tour, 去珊瑚島的hardtien海灘, 夜晚入芭堤雅的步行街行下, 食下。

第二日: 專車接你去join your, 黃昏回到酒店, 出去睇人妖及晚飯

第三日: 早天在woodland 的泳池游水晒太陽, 大約10:30check out, 約定車去曼谷的酒店, 中午到達Arnoma Hotel, check in 後馬上到隔離的Big-C頂樓午餐(因為都成點鐘, 簡單搞掂午餐, 可以在樓上的日本餐廳, 例如大根, 平靚正), 食飽行下Big-C三樓, 二樓的超市, 及樓下的Fashion Outlet(買levis), 再行下Boots
夜晚去唐人街, T&K海鮮, 不要吃飯, 留肚再在唐人街吃各程小食。

第四日: (如果是星期六或日): 去JJ MARKET(SUNDAY MARKET), 午餐於market內, 下午行各大商場夜晚行下, 包括Central World, Central Chitlom, Siam Paragon(可以去埋Siam Ocean World), 夜晚到酒店附近約步行20分鐘的baiyoke sky hotel,的83樓sky roof飲杯野, 再上去84樓sky walk睇下風景。又可去附近試下海南雞飯

第五日: 如果仍有時間可以在行下Central World和Big-C, 因為近酒店, 提前2小時搭的士去機場

如果在芭堤雅唔去珊瑚島, 可以減一日, 但會好趕, 而且好仍失去了去芭堤雅的價值。
如果唔去芭堤雅, 又想有陽光與海灘, 可以去曼谷與芭堤雅之間的BangSean海灘, 不過相對比較冷門, 有興趣的話,我可以再介紹。


下面是相關資料, 供你參考:
1.去JJ Market(瞿道瞿市場), 是一個跳蚤市場, 幾乎你想到的都有得賣, 價廉物美, 但有排行, 行一天也不一定可以行完一半。(只開星期六和日)

2.Siam區的商場(MBK, Siam Paragon) + Siam Ocean World

3.Chitlom區, Big-C(必去, 大型超級市場,可以買泰版零食), Central World(最新的大商場, 裡面有Naraya, 喜歡布藝手袋, 拖鞋, 這裡最啱), Central Chitlom(大商場, 裡面有Sanrio)

4.Pratunum區, 最值得行的是Pratunum Fashion Mall, 在Amari Watergate Hotel對面, 是本地人行的商場, 衣服、飾物、文具、精品, 四樓有迪士尼產品的批發店, 亦有一個比其他商場抵食的Food Court
如果唔怕熱, 又鍾意行下d好似香港女人街的地方, 可以去水門批發市場(Pratunum Market), 價錢平過女人街好多, 個別店舖賣既野都幾有特色, 不過好熱。

5.Join local tour, 抽一日Join當地的一天團, 可以事先在網上book定, 亦可以去到先搵旅行社book, 如果識得去 “高山路”(Khaosan Road)的話, 可以找到最平的, 如果在你住的酒店BOOK, 可能比較貴, 亦可以到Pratunum區的Baiyoke Sky酒店附近, 可以搵到幾間旅行社, 可以講價, 講價後的價錢都ok
在網上book定亦是不錯的選擇:
http://www.changthaitravel.com/package_tours/bangkok/bangkok_tour.html

6.大皇宮, 鄭皇廟半天遊:
坐船可由Saphan Taksin站(BTS)行2-3分鐘就係碼頭(Central Pier),再坐十幾BAHT船就到, 在maharaj pier(pier N9同N10之間)落船行去grand palace, 沿途可能有d小地攤睇, 如果唔想搭船亦可以搭的士(但記得要用meter或上車要講好價)。
記住近grand palace 附近好多有心人會話(有d 又話自己係教授, 有d又話自己係遊客, 有d 仲識講中文)皇宮今日唔比入、唔開、帶你行唔使比入場、做你導遊等等, 全部都唔好理, 總之繼續去, 基本上係日日都開的, 時間方面, 早上去比較好, 冇咁熱, 下午唔記得係收3.30定係5:00了。
注意: 大皇宮規定要著長褲和有袖的衫。(女士可以穿長褲或長裙)
入場費: 外國人250baht, 本地人50baht

7.四面佛: 如果許願後, 願望成真的話, 一定要回去還神。

8.Massage: Shopping 可以讓人瘋狂, 但之後會周身骨痛, 最好就是做一個Thai Massage, 在水門區有很多平價的, 但如果怕太難找的話, 在Big-C向北的兩條街, 可以找到一間比較ok的, 價錢亦比較平宜, 名叫: Indra Spa, 400b 150分鐘! 還有其它更好的, 但不容易找。

9.看人妖show: http://www.changthaitravel.com/package_tours/bangkok/calypso_bangkok.html ,在這裡book最平

10.美食, 泰國人很喜歡食, 所以在曼谷很容易找到各種美食, 泰國菜、越南菜、日本菜、法國菜、意大利菜、中菜, 這些食店都很容易找到, 好吃的亦不少, 有興趣的話再另文介紹。
唐人街亦是必去的地方之一, 晚上有大量好吃的街頭小食。

11. 海南雞飯:在Big-C門口, 人背向big-c, 右邊行7分鐘, 過了李海泉, 再過了一條小石橋, 到逹一個大路口, 不過馬路, 轉右, 可以找到一間串燒, 串燒唔錯, 奶茶都好正, 再直行, 見到一間粉紅衫的海南雞飯, 又平又好食, 再直行有一檔小販, 芒果糯米飯好正, 再直行找到藍色制服的海南雞飯, 更好食, 不過要夜晚先開。

book tour及book 車:
下面比d資料你, 叫佢地報價:
[email protected]
佢係長居在芭堤雅的香港人, 好多人去玩都叫佢幫手book, 當然佢亦有錢賺, 但唔會貴過你自己去book, 而且仲係見到面先俾錢。佢仲可以book車、show之類。總之芭堤雅既野, 佢都幫到手。

[email protected]
一個泰國華人導遊, 有自己的車, 可以接送, 不過經常book滿。

[email protected]
懂英語, 曼谷與芭堤雅之間的接送最平, 佢有好多車

[email protected]
識廣東話的泰國華人, 有旅行社, 可以代book各種東西

以上四位都不用事先付錢, 去到見面先俾, 但請不要濫用或欺騙他們, 因為很多自由行都要用他們的服務。
全部以email或電話預訂。

當然你可以全部都問價, 比較過ok再同佢confrim

兩間酒店都係比較熱門方便之選, 價錢中等, 如想住其他, 亦可以再討論下

兩個女仔去泰國基本上都係安全的, 尤其是同你揀果兩間酒店都係在大路, 而且交通方便, 夜晚都唔危險。

不如你去胡慧中個website問下啦! 佢果面有好多泰國的資料, 仲有機票酒店報價. 仲有, 我建議你買本胡慧中2007年牌的超級好路數, 最厚橙色最貴果本($70-80), 佢入面有好多coupon, 真係有用嫁! 再唔係佢個website都有好多免費coupon可以download
佢個website www.thailandfans.com