點解百佳易賞錢卡較惠康八達通日日賞多人用?

我覺得主要係易賞錢個定位較好。
佢好俾到人一個感覺係一張優惠卡或者積分卡，又唔使費用，加上有專人同你填埋表，所以個個都會持住用了無壞的心態去申請同埋用呢張野。
同埋由於佢係自己出的關係，百佳可以在呢個program 上做好多變化，例如額外積分，會員價等。日日賞都有類似，但惠康好似好少攪。

相反八達通就俾人個印象係一張用來俾錢的卡，呢樣野已深入每個香港人的心。雖然儲分同俾錢係兩個獨立的功能，但好多人都唔會覺得佢係積分卡。
同埋儲分時要放張卡落部機部do，可能好多人怕會唔覺意俾人在張卡上扣數，咁就麻煩。同埋可能有人誤解要用埋八達通俾錢先得。雖然有關方面都有說明，但太複雜啦，攪到好多人都抱住費事煩的心態，所以唔申請就算。

我就兩樣都有，但因為百佳有幾張卡一齊儲分，所以好快就換到錢。我到而家已換過 $30了。

兩張咭我都有，但八達通我都用咗冇幾耐。
我惰，屋企人申咗埋比我用易賞錢卡，而八達通日日賞喺同朋友一齊申請。
所以我認為易賞錢卡比八達通多人用的原因是﹕
1.易賞錢卡有1=4的効力，擴散快，申請咗就會用，雖然冇乜用
2.八達通人人有，但唔喺人人可識得填表申請，又冇大作用，費事叫人幫手申請

個人認為原因有兩個.
1.係百佳申請易賞卡錢時,有專人指導如何填表,但惠康八達通日日賞就要自己上網登記申請,有d公公婆婆唔識用電腦,申請唔到,而百佳有人幫d公公婆婆填表,所以會多d人用百佳易賞錢卡
2.用百佳易賞錢卡買野,有時會有discount,有時買一件又會送多十分,儲分會容易好多,而惠康八達通日日賞就無呢d優惠,所以又會有多d人用百佳易賞錢卡

百佳之所以多人用是因為有平價貨, 而另一間只儲分但沒其他用處所以比較少人用的但我倆様都有用, 所以沒分别.