鋼琴四級以上學生 / 老師請進來........(答得好便得分)

我考左5級&5級樂理,依家準備考7級
我的老師都幾ok,雖然講野成日都幾大聲,不過你同佢熟左佢就會好多野同你傾,有時重會笑到我死死下添~佢教得真係幾好,唔會無啦啦鬧人,只係你彈得唔好,睇得出你無練琴先會鬧你~佢好明白d歌既風格,對於邊度要起手個d佢都一睇就知....準備考試個陣,佢初初會比較放鬆,但後來就會緊d,執你執得勁d,對於重音起手都幾執著....佢教樂理就...有時都超搞笑~教得都ok,會講得好詳細。有時你會唔覺自己學左野咁...但係一做就大部分都識做,個feel好似無乜點學,但係其實係學左好多...呢d就真係幾輕鬆,唔洗點死記。佢係琴考試前都會講:唔洗咁緊張啦,加油啊~我預左你考個陣緊張都會無左平時既20%架喇,所以你依家要練到100%好啊知唔知啊~佢教樂理有一方面好放鬆,佢唔洗我地背個d演奏術語,話唔洗我地咁辛苦咁背,無左幾分就算...唔想我地背得咁辛苦,而且左時做下d卷,做做下都會記得少少,考個陣都可以撞下。不過自己想背既就當然都可以背啦~
其實背譜唔需要特意去背,只要真係有心背既,都會背到。我老師就唔洗我背譜,佢只係話:人地無要求你背譜你都背左既,咁你覺得人地會點睇丫?咪覺得你勤力,可能比高d分你咁啦~不過我唔會要求你背,你想背既話,你可以~ 不過通常考試練練下都會背到好熟,但我都考場都係預防萬一,都唔會背~
彈流行曲其實要自己揣摩,其實流行曲會比一般我地平時學彈既歌易彈得多,因為流行曲我地都已經聽過佢地既旋律,較易上手。只要好似平時練彈歌咁練(有時間的話),日子有功,就一定會彈到.當然亦要你有心去彈。
我在準備考7級前是彈Michael Aaron Piano Couse (Grade 4)(紅色的)雖解係G.4,但係都會我都老都會由淺入深,彈既歌慢慢高級上去,我諗初初個d都會岩你 .還有Czerny (Opus849)(Edition Peters)(No.2611),呢本係1 d練習曲,主要練手的靈活同速度~

希望我呢d經驗可以幫到你la~

2007-04-17 17:09:16 補充：
(紅色)G.4那本我在準備考7級前其實已經彈完了,那本其實有d都幾難,有時我重練左成個月先彈得熟一首,所以G.4都係得個名= =有d真係幾難下

2007-04-20 18:59:15 補充：
你要跟我通電郵嗎?你給你的電郵我吧

我依家係五級，學緊六級，老師收費大約百六蛟，上４５分鐘！
老師會示範點彈，有ｄ容易就要自己彈～我個老師都教得ｏｋ啦，不過好惡！！
佢無叫我背歌喎，因為背ｄ練習歌係無咩意思（我個人認為）　我一學琴都係彈３本，不過依家就要彈５本書！！！！！！

其實唔洗刻意去背架！！！

我小學果陣時開始彈愛麗斯，無諗過要背諳架．．．
不過彈彈下，練得多，當無琴諳果陣時，行埋去個琴到，
就好自然咁彈左出黎！！！！
依家有好多歌都識背啦～

刻意去背的話，反而會背唔人腦！～
其實流行曲我都唔係咁在行，因為太多黑子要彈啦！！！不過都緊緊彈到嘅～

悶同好聽嘅歌．．．我唔識答你，其實係隨自己嘅喜好

咁你想學正統考級課程定是 流行曲?
我以前細過都有學開考級課程的, 但覺得睇譜好難, 又難練喎, 之後就冇心學了。
我都考左4級琴, 5級樂理的, 但一要我睇譜又或者冇譜就會唔識彈。 我每次都係背左o個首歌, 所以要覆到一首歌比老師聽要幾個月, 學得好慢冇心學了...只要係彈死o個首歌就可以背到了, 完全係慘, 唔鐘意彈琴,直到5年之後的今日

前幾個月,我無意中o係yahoo bid search 到有個老師教唔洗譜彈琴。 開頭我都唔信的, 抱住試下心態。 點知第2堂已經可以彈到一隻歌. 過左4堂我就已經掌握到個方法可以自己唔洗譜就配chord 彈其他歌了。之後呢幾個月一直學落去, 到今日學左5個月左右, 我可以唔洗譜彈到過百首歌了, 而且變化更加大。彈得好開心,好有興趣!! 每日都o係屋企彈2個鐘。

所以我就想問你你一心想考級, 定係想彈得開心?
如果係後者可以試試我學緊既老師哦, 佢上堂都幾多野講, 學得輕鬆愉快, 一個鐘一堂, 唔會悶場, 同埋好實用, 冇"鄧"波鐘。

以下係佢o係yahoo bid post 既廣告, 入面有佢既彈琴示範mv, 佢住沙田的。

http://hk.f2.page.auctions.yahoo.com/hk/auction/b4225296