澳門人問題?

以下全是出自個人認為;
景點:
龍環葡韻 :http://housesmuseum.iacm.gov.mo/main_c.htm
影相一流, 好多婚紗照及電視的MV都到此取景。

旅遊塔: http://www.macautower.com.mo/eng/main.asp
可以一覽全澳景色, 如果捨得俾錢上頂層睇睇, 真係值回票價。或者到其璇轉餐廳吃Buffet, 景色一樣咁正(不過都幾貴, 而且食物一般), 樓下經常會有各種主題活動及展覽。

南灣湖: 南灣和西環一帶, 也是拍照的好地方。

漁人碼頭: http://www.fishermanswharf.com.mo/index.php?mfwlang=big5
又係拍照的好地方, 除此之外亦有好多美食。

黑沙海灘: 如果有興趣睇下全部黑色沙的海灘, 可以試下, 海灘附近有好多小販, 燒烤的食物唔錯。

而澳門眾多的博物館中, 我覺得海事博物館係最值得睇, 位置就在媽閣廟旁邊。

除此之外, 澳門的各大新賭場都各有特色, 唔賭去行下睇下。


有d 網上流傳的澳門美食介紹我就唔再貼出來, 因為其實都係唔多Update同埋好多錯處, 在這裡介紹幾間心水野, 係比較少人提到的:

1. 雲吞麵世家
位於 澳門 雅廉訪街, 除了雲吞麵一流之外, 佢好多越南菜式都好正宗, 最重要係價錢唔貴。

2. 泰臣燒烤
位於 路環 , 在黑沙海灘附近, 另外在海灘邊亦在找到他們的檔攤, 豬扒飽不會差過大利

3. 雅(甜)<===下面有個"心"字 餐廳
位於路環市區, 葡式餐廳, 有露天望海的座位, "桑拿蝦"是他們的招牌菜, 超鮮美。

4. 官也街對出的食街, 而家開左好多間食店, 大多數都係出名的食店的分店, 值得一試。

其他經常被人介紹的食店我就唔一一列出了(例如大利, 安德魯等等, 上面三間係比較冷門, 但真係抵食又好食的。

另外, 澳門的自助餐亦算是抵食的:
1. 不夜天: 位於舊葡京內, 口碑好, 食物品質好, 雖然選擇唔多, 138元
2. 非洲村: 位於漁人碼頭內, 以食肉為主, 如果喜歡食肉的人, 這裡是一個不錯的選擇
3. 自助山: 位於新葡京, 食物種類最多, 質數不錯, 但熱盤多, 冷盤不夠多, 沒有雪糕是其美中不足的地方, 180元
4. 金都酒店: 位於(乙水)仔, 食物款食多, 甜品多選擇, 應有的都有(除了長腳蟹限量供應), 138元
5. 金沙: 位於漁人碼頭對面, 初初開時又大又正, 後來開始差, 重新裝修後, 只有原來三分一地方, 食物種類少了, 質量回升了, 但熱盤減少了很多, 冷盤仍ok。
6. 其他不太抵食不推介了: 包括星際酒店、永利、利澳等, 另外金龍酒店本來是不錯的選擇, 但自從出現食物中毒後就不敢光顧了。

以上介紹的食店及自助餐, 本人全部親身試過, 有些更去了幾次, 內容基本上準確。

至於怎樣去的問題, 在澳門搭的士十分方便, 這些地方一般的士司機都懂得去, 不要浪費時間乘巴士了, 除非你好得閒。

澳門其實這個place is主要赌場

大三巴附近一帶都有好多野賣同野食...果度行下街都ok架...又可以買埋手信...
(附近仲有一間食雙皮奶 / 燩蛋..好好味..都好出名架..)葡國雞都好好食
如果講到玩既話...去觀光塔行下..個環境都幾靚
去永利參觀下(唔一定要賭)....