佢唔原諒我..教我點做??

恕我直言
其實我覺得你和你男朋友之感情
真的很點"危危乎"
要他唔驚
恐怕很困難
始終你也做過一些男人不太能夠接受的事

其實我覺得你要認真想想你現在是否愛他?
我個人認為
若果你是愛他的話
應該不會作對他不起的事吧
對嗎?

無論如何
真的要認真想想你現在和男友的關係
是甚麼原因導致你不想離開這段感情?
是習慣了?是不捨得?抑或另有原因
不論是甚麼原因也好
但照我看來
你和男友甚少溝通
這已經是一大問題了
其實情侶之間需要互相溝通互相扶持
既然達不到這個目的
為何依然要繼續這段關係呢?

我想你現在不是解決"驚唔驚"的問題
而是應該想想自己與男友的關係
拍拖並非為了解決性需要
若只希望解決性需要
也不需用"拍拖"這個原因
其他方法一樣可以
拍拖就是讓兩個親密的人互相扶持
你會感受到對方無時無刻都會支持自己
而對方亦會有同樣的感受
這樣才叫愛情呢

雖然我作為第三者不應該多加意見
但我真的很希望你會想想與他的關係
與其這樣煩惱
而自己也不是真正愛他
倒不如結束這段感情吧
「有名無實」的愛情是沒有意思的呢

你是否和hwlau398是同一人呀? 如果唔係既話你睇下佢篇文章啦，好似講緊你wo

其實要佢原諒你真係好難, 話晒都係你對佢唔住, 而且你喺佢心目中已經係一個不貞不潔o既女仔, 佢都好hurt o架.
但係另一方面, 我又覺得你好可憐, 你今日行差踏錯, 未必係你一個人o既責任, 你男朋友對你o既態度就係導火線, 佢大你十五年, 思想比你成熟好多, 正如你所講, 好多嘢都識, 好多嘢都試過, 而你就好似一個小妹妹咁, 要聽佢命令行事, 佢講o既嘢一定係啱o既咁, 你可能都受咗好大壓力.
到咗呢個時刻, 我諗你唔可以再同你男朋友和好如初喇, 好多嘢冇得返轉頭o架, 接受現實啦.

但我覺得個bb係無辜lor,,

唔應該咁樣就落左

咁你同佢make love個個佢知唔知你有左先

但我覺得如果你肯同佢make love就即係你對佢有feel先咁做喇

咁你同你男友咁耐佢都應該要體諒下你

唔好成日管住你

應該要就你

我諗佢真係唔知道錯係邊lor

但我覺得個bb係邊個都唔仲要lor

如果佢知道個bb係佢,,佢都唔會即時接受喇

愛情比我ge感覺係,.

大家都好愛大家ge

就到對方,,唔會比壓力對方

肯同對方坦白咁講每一樣野

而對方又會幫你分擔ge

我係女仔都唔幫你啦...你自已唔定性, 就唔好識大你咁多既人...講真..我係佢.我都唔信你唔會有多一次啦....一次不忠...佢咁做..我覺得佢做對囉..你唔定性就找番唔定性既人...佢大你咁多..都想找一個終生伴侶.但你咁做,我覺得佢好慘同無奈..自已既女人咁做..仲可以原諒咩?你諗下如果你老公或男朋友咁做..你點諗先?

我未講建議前, 有幾個問題樣想你諗諗

第一, 點解會同果個搞大你個肚既男仔發生關系??
第二, 同佢正式分左手未?? 分與未分都好, 諗諗點解...
第三, 而家個男朋友有咩好, 有咩唔好, 點解要繼續同佢一齊??
第四. 你想要d乜野??

我唔知呢d問題你有無問過你自己, 不過, 有無都好, 睇完下面段野再諗一諗.

首先, 試試分析下你地段關係, 你男朋友好愛你, 好體諒你, 你都知. 不過, 亦都咁, 所以你容許自己同其他男人發生關係,

而你呢, 應該會掛住其他男仔多d, 但唔係唔愛佢. 而佢唔算係管得你好嚴, 因為一齊住, 你都可以同其他男仔發生關系, 其實, 佢應該管唔到你.

我估, 你出夜街, 電話入面好多同男仔既sms, 間中去朋友度訓, 呢d問題, 可能都嘈過好多次.

至於話溝通, 佢玩電腦多過同你玩, 唔係問題, 問題係佢有無同你玩, 你覺得夠唔夠. 其次, 佢可能真係唔明女人心入面諗乜, 所以唔識同你溝通, 大部份男人既通病, 更何況你地年紀相隔十五年, 更加困難.

以上既野, 我唔係想話你, 只係想你知道, 如果想佢唔驚, 先要從上面既問題著手.不過, 你上得黎呢度問, 我估你仲好猶豫做唔做. 所以, 你會問愛情同感情既問題,

入正題, 我估, 你無咩可能大過廿五歲, 愛情係咩, 你應該好清楚, 至於感情, 就係....當你男朋友知道呢件事, 但佢都肯原諒你, 同你檢討你地之間發生左咩問題, 響你感動果一下, 就係感情. 好老實, 我係男人, 我都感動.

之後我想問你一個問題, 你接唔接受到以後無男人陪你過世, 接受到. ok, 無問題, 以上既, 全部廢話, 當我無講過,

但如果接受唔到既, 我想問問, 如果你去到三十, 三十五先搵到個男人, 佢仲肯唔肯為你咁做. 你要明白, 呢個世上, 無一個男人可以令你保持愛情一生一世, 吳彥祖都唔得. 但要搵一個可以無論生老病死, 都會陪你一世既人, 會機會大少少, 最起碼, 你而家個男朋友有機會做到.

睇下最上面既問題, 老實咁答自己想要d咩. 要做就要俾決心, 下一次, 佢肯定會死心, 不過唔死心仲慘, 佢以後百分百會出去偷食!!

最後, 聽下楊千嬅既新歌 - 化

首先我覺得你男友都想同你喺返一齊，如果唔係都唔會同你傾啦
問題而家好清楚
第一: 你哋未有用心去了解對方，如有用心你唔多唔少都估到佢諗咩啦
第二: 少溝通，可能因你哋年齡差距太大令到好多時你有野想同佢講，但因為你覺得呢d野咁無聊講唔講都冇所謂啦，佢都一定試過，喺佢眼裏根本不值一提，但我想話比你知呢d都係你眼中認定，但可能唔係真呢，可能佢想聽呢。如果你乜都同佢傾，你一定可以喺佢答案入面了解到更多佢既事，男人比較衰，乜都唔鍾意同人講，係要人哋出聲問或者同朋友講開先會將自己所想既講出黎。希望我講既野可以幇你更加了解男性啦
而你哋之間最大既問題，好老實，比我都驚啦，都唔知以後仲信唔信你好，但你唔使咁驚，因為正如我上面提到，佢都想同你一齊，雖然真係話咩: 一次不忠，百次不容，但只要你由而家開始跟返你男友之前要你做個套，做返一段比較長既時間應該問題唔大。咁當然你要喺呢段時間做好d啦，例如: 唔好再搵個個男仔啦，搵多d野同佢傾啦，你話佢成日對住部電腦，咁你咪坐係佢隔離問佢睇d乜野law，我諗佢咁大個人應該唔會睇d無聊野啦，應該都會睇d自己有興趣既野，咁你一來知道佢鍾意咩，二來又可以從中搵到大家共同興趣。
只要你喺呢段時間比佢睇到你真係有改變，佢都會比機會你既
放心好了，祝你成功啦

同其它人 make love 已經難頂, 同人地有左bb 點頂呢 ....

你都係唔好同佢結婚,

好坦白講...
俾著係我...
我都唔會再信任一個曾經背叛過我既女人...
基本上可以話無論你再做d咩...講d咩...
佢都好難再百分百信你...

除非你男友真係大方到戴完綠帽都可以當冇事發生啦...
不過我深信一百個男人入邊都唔知有冇一個做得到勒......

題外話...
其實我好明白你男朋友既感愛......
因為我前女朋友都係因為第三者而同我分手......
最可恨既係件事竟然係由我一個好朋友同我講返...
我先知係因為第三者而分手..........
我一直都以為自己做得唔夠好...俾唔到幸福佢.........................

古語有云: 一次不忠, 百次不容.
更何況你重俾綠帽佢戴, 男人最憎就係戴綠帽.