幼兒猫照顧~~急急??

看看這些照顧幼貓的資料能否幫到你？

PART ONE

為小貓保暖---小貓不會自動產生體溫，夏天也要幫小貓保暖＜尤其這種不穩定的天氣＞，因體溫過低幼貓是不願進食的，唔好用暖水袋，用耐咗唔暖&凍親貓B；又要經常換熱水易燙傷手，市面上有種16~24hrs可貼性暖包，溫度中等用毛巾包著便可給貓B 用，用耐了不暖也不會凍親貓B，約22-40元 1 pack(10pcs)；但緊記包扎妥當可貼性暖包, 否則, 會被貓B抓破。＜或用小型寵物電墊＞用毛巾包著便可給貓B 用。因不能過熱，小貓不可直接接觸陽光，盒內亦應留有足夠空間，讓小貓爬離熱源。

清洗眼睛---對於仍未開眼的初生小貓，可用多功能隱形眼藥水或和暖開水抹小貓眼睛；幫助牠開眼及消毒。

餵食用具---食具用迷你奶樽要有奶嘴的，“切勿”用剪刀直接剪在奶嘴上，因小貓的其中一項「頭號殺手」，就是給流得太多太急的奶水進入肺內危及生命。一丁點的奶水進入肺內就能取掉小貓的生命。食具一定要經常用熱水消毒。

溫奶方面---須用器皿加入熱水，才放奶樽或注射器入熱水中；約10至15 秒貓奶溫暖才拿起，稍為搖動讓奶溫平均，擠出一點貓奶用自己的手背試溫會否過熱，微暖才可給貓餵食。

餵食---“貓奶粉”是十分重要的，牛奶絕不合適小貓。在緊急情況下可餵飲人類的補充体力飲品如「力保健」或「Pedialyte」，切記只是未找到貓奶粉前，避免小貓脫水才使用，絕不能當作食物。除餵奶外，還要餵小貓喝暖開水，小心有脫水情況出現。

不是所有“貓奶粉”也可讓小貓進食〔可請教獸醫那一種牌子較好〕。如小貓進食“貓奶粉”後仍出現《肚瀉》情況，除看醫生外，可試試以下之方法：

〔私人心得--可用嬰兒吃的‘純米糊’《不可有人奶粉成份》一茶匙，加少許“Royal Canin ~ Convalescence Support”獸醫診所有售一茶匙，用熱開水泡希放暖比例約1份糊:5份水，不可太糊小貓會很難消化，如不懂得自己進食，須用注射器慢慢餵食〕 ＜＜如遇肚瀉或脫水可混入半茶匙葡萄糖入糊仔內一起進食＞＞

餵貓姿勢---坐下來時大腿放上軟毛巾，在軟毛巾上把小貓抱在手裏肚向上，擠出一點貓奶在奶咀上，小心把奶咀放在口中舌頭上的位置，小貓便會自行吸吮；須耐心、安靜和穩定地餵食；切勿用手擠壓奶樽。
若要擠奶樽的話，一定要非常小心，讓貓奶穩定地慢慢流出而射進喉內。留心小貓的耳朵，要是牠們開始前後搖擺的話，是小貓吃飽訊息。要是有奶氣泡從鼻噴出，要立即停止餵食，因進食已極過量。

餵食密度---小貓須小食多餐，飽了要停。剛出生的小貓，最小每四小時一次，或看情況而定。餵食後用手輕撫小貓尤其重要，這不但令牠心情愉快，還能幫助身体機能發展。最後作好晚上也要餵食小貓的預傋。

幫助排泄---新生小貓是不會自己排泄，而穢物會令小貓感到疼痛和危及生命，所以每次在餵食完畢前 OR 後，應立即用溫水的濕棉花或濕紙巾，輕按小貓的屁股，助他排出便便、尿尿。留意貓兒排物,他們的大便該像黃色的牙膏，尿尿應是淡黃色，如尿尿‘深黃色’便是小貓出現缺水的情況了。

斷奶---約四星期小貓便可進行斷奶，每次將嬰兒食物（如雞、雞湯、牛、牛湯、嬰兒吃的‘純米糊’等對小貓適合有益）加入小許混和貓奶粉，很快小貓便能在匙羹或碟子上自行進食。小貓自行進食會有“狼吞虎嚥”之情況，所以放在匙羹或碟子上的食物份量，不宜一次過給太多，該續少潻食。以免小貓吸入鼻孔內。

貓蚤及洗澡---初生六星期內的小貓盡可能之下切勿洗澡。如必須清洗請預傋好所有用品及洗澡地方，小心絕不能令小貓涼。
--洗澡前不能吃得太飽，恐事後嘔吐
--預先更換好小貓的睡覺地方--暖水袋及乾淨毛巾
--溫暖適中的水兩盆（先行用手試水溫）
--洗身液-無刺激性
--毛巾 - 洗澡後用
--風筒
--洗澡的地方須掩上門窗，空氣不宜太流通
洗澡時，須用左手將小貓整個身軀承托於近水面上-身在水中，頭在水上；用右手慢慢幫小貓輕揉皮毛及頭部，平均地弄濕，用小許洗身液幫小貓清潔；小心眼睛及咀不能接觸洗身液。再用溫暖適中的清水清洗乾淨小貓，確保洗身液清洗乾淨。清洗完畢，立刻用毛巾包著小貓輕撫，及開動風筒先用熱風吹著小貓（小貓及風筒須保持一定距離約一尺，因小貓會過熱及害怕風筒；須用手穩定小貓）同時用毛巾抹乾身上的水，半乾狀態時改用慢少許的暖風，直至小貓身体完全弄乾為止。
洗澡後之小貓會很渴睡，須立刻放回乾淨箱子內及多加留意。
《洗澡過程如有多位朋友或家人幫手便最好了》

睡醒後先餵小貓喝少許暖開水，待5-10分鐘後才可餵食貓奶粉或米糊。

留心觀察---密切留意小貓的進展，如停止長大、体重流失、肚瀉、便秘、痛苦、昏睡或体溫突變等情況，應立刻前往診冶。

還有PART TWO & PART THREE
適合較大些少的幼貓
如須要可再SEND給你

If you have any question about the baby cat, you can call me anytime, & I'ill pm my mobile to you.


祝人、貓一切安好！

1.要比個紙盒或籠再加D布過佢要保持温暖.
2.未開眼即是未夠七至十四日大.
3.去寵物店買D貓BB奶粉比佢飲
4.可用飲管或用頪似針管(獸醫或寵物店有得賣)嘅比佢地飲奶.
5.仲要加張報紙比佢瞓,因爲有吸水作用,佢地痾左尿尿都吸左唔怕凍親.
6.佢自己會尿尿同便便唔洗特別照顧.
7.想知佢幾大可以帶佢去你個間相熟嘅寵物店人地會話你知架喇.
8.有得一個月佢要轉食乾糧,要買乾糧兜同飲水兜.　
9.仲要開似敎佢去厠所,見佢四圍聞或者四圍抓咁樣即想去厠所.
10.要買貓厠所同貓沙.
11.要買吐尾膏,杜蟲藥.貓毛梳,抓板或貓伽傢.
12.到两個月大就可以去醫器到做身體檢查同打預防針喇.貓仔打两支預防針就夠架喇,即是两個月大同三個月大各打一支.
13.再大D要同佢滴蚤水,以我嘅經驗一年一次都夠.
14.APE tel. 2442 2468.尼間貓狗糧快遞,好多貓用品都有得買架又平又送上門添,只要買满一百蚊就得架喇.
15.再加無限愛心同耐性佢就會好快長大喇.

祝你家貓咪快高長大.

屋企環境就冇o羊特別架啦, 因為bb貓o吾識行o個陣要擺o係個盒度湊, 連籠都o吾得, 因為我聽過有d好細o既貓貓o係籠度想走出黎, o係d隙位夾住個頭仔, 之後仲....

由o岩o岩出世至約3-4個星期大o既貓貓由於本身冇體溫, 要靠媽咪個肚腩暖住, o吾係就好快會凍死, 所以我o地人手湊時, 一定要keep住佢夠暖, 通常去藥房買個暖水袋, 入d暖水再包條毛巾就得架啦, o吾使太熱, o吾係會熱死架, 最好用手背試溫, 暖暖地, o吾慶o吾辣手就ok, 不過要時時換水

至於餵奶呢, 一定要等bb個身體暖和o左之後先好餵, 如果o吾係又會死架 (我o吾記得o左個原理 ), 仲有, 因為牛奶o既成份同貓奶成份o吾同, 非必要時 (如半夜搵o吾到petshop買奶粉) 千祈o吾好餵牛奶, 因為貓貓消化o吾到就會肚痾, 肚痾就好容易導致脫水, 脫水就好危險架啦

點睇bb有冇脫水呢? 用手"meet" 佢條頸 (or 肚腩仔) d皮, 如果d皮"企晒起身", 冇即刻"跌"回原狀, (即係冇晒彈性), bb就已經係脫水, 嚴重時要去獸醫度注射皮下生理鹽水, 如果輕微脫水, 就要每半個鐘至45分鐘餵d葡萄糖水, 或者將d貓奶粉開得稀d黎餵, 餵葡萄糖水o既目的係同佢補充返d血糖, 如果o吾係, 好似人咁, 血糖過低會暈, 咁細個如果覺得暈同手軟腳軟, 就會一味訓, 咁訓o下訓o下就好易會死埋

bb個胃仔細, 每餐食o吾到好多, 好快又會肚餓, 所以一般要2-3個鐘餵一次, 2個星期大開始可以3-4個鐘餵一次, 4個星期大就每4-6個鐘餵一次, 到6個星就可以戒奶架啦, 仲有, bb好易累, 所以每餐餵o既時候, 等佢飲完一d就要比佢休息o下, 轉頭一, 兩分鐘再餵, 咁樣重複2-3次, 餵到佢o吾再食而個肚仔摸落又漲漲地時就可以為之食完一餐

因為d貓媽媽係用舌頭"lam"d bb 個patpat 黎幫佢放d便便, 我o地就要用紙巾或毛巾濕d暖水同佢擦o下個patpat, 通常食奶前同後都要放一次, 尿就次次都一定有, 屎就未必, 不過如果超過2-3日都冇痾屎屎, 就可能要餵d d 牛奶等佢輕瀉返d屎屎出黎, 如果都係o吾得, 就要搵獸醫架啦


希望依個網址幫到你
http://www.hkcats.org/phpBB2/viewtopic.php?t=595