防鼠,烕鼠或驟鼠的好辦法?

嘩~ 您果度ｄ老鼠都好猖狂喎！

首先，您要攪清楚屋入面有冇一個老鼠既窩；
如果有，會比較麻煩，最好搵專業既滅蟲公司處理，
因為自己好難完全清理到。
不過大多數情況都係冇既，ｄ老鼠通常係聚居響垃圾房、後樓梯等地方，
而您只要唔好俾佢地入屋就可以喇。

- 注意清潔
　大家都知，老鼠喜好污糟既環境。
　所以您要保持屋企清潔，勤ｄ倒垃圾，避免ｄ垃圾既氣味引ｄ老鼠入屋。
　仲有，如果有養寵物，就要留意下ｄ糧食既份量，
　避免多餘既成為老鼠既食物。
　當然，ｄ食送頭食送尾都要處理好啦。

　同時，屋企既雜物都要執好佢，因為舊報紙雜誌受潮都會發出氣味。
　門罅、喉管等位置，可以加裝防止蟲鼠入侵的裝置。

- 誘捕、毒殺
　可以用老鼠籠、老鼠藥對付入侵的老鼠。　


另外，如果ｄ老鼠成日都咬斷各種電線，有可能您ｄ線係太多太雜，
用個電線套包起ｄ電線應該都有幫助。
一來冇咁亂，二來亦有保護作用。

可buy的kill老鼠的x蟲濟or做好防治蟲鼠工作.