我想問做話劇時做阿伯有咩技巧??急...

身體動作要慢, 反應都要慢, 行路要細步d, 如果加上 少少 柏金遜既徵狀會更好.


講野要壓沈把聲, 如果演員本身把聲沙沙地, 效果更佳. 另外, 講野時, 亦都代表佢諗野既時間, 所以都要慢.

可能講野前會: .........a........a.......... (然後係台詞)

對白上面都要落功夫, 答非所問, 自言自語都係老人家既特徵


老人家耳仔聽唔清楚, 可以加d 對白, 例如: 聽唔到, 大聲d!

咁相應既演員就要再大聲講多次, 亦都會令段對話聲線上多d 變化


如果你有埋人物背景, 性格特徵, 咁我可以講得細緻d, anyway 歡迎 send mail 問 ^ ^

2007-04-18 23:25:42 補充：
樓下既意見都唔錯, 不過觀眾會唔會因為你做 少女, 而演員表現出天真一面, 觀眾意料之內而唔想睇落去? 做爸爸角色的演員, 通常係一位嚴父, 觀眾又會唔會唔想睇落去??一套話劇既 style 如果係 crazy 既, 當然可以唔理任何拘束. 如果係現實劇, 動作上係來自社會上大家見到既認知有何不可呢?故事有冇趣味先係最重要, 所以我著重要對白度落功夫.莎士比亞劇, 我以前都做過 Hamlet 套劇, 故事如果跟足原著, 我都唔需要劇本喇, 之後好多野要注意, 要用 mail 聯絡.

2007-04-18 23:32:54 補充：
李爾王 係一部有名的悲劇, 當中 李爾王係被公認最難演活的角色之一. 國內外的話劇, 就算係一位有豐富經驗的演員都會覺得好難, 而且一般認為只有上左年紀既演員先可以體會呢個角色.努力, good show!

如果你要問演呀伯有什麼"身體語言上的技巧",
或者好多人會告訴你演阿伯要行慢d, 講野聲線弱得來又要大聲
但係咁樣你的演出只會是千篇一律的行貨
不會吸引到觀眾(因為就算你個殼扮得幾似,觀眾也因為"已經估到你點扮啦, 手震呀ma"的想法, 而不再期待你下一秒的演出(以至存在)
(講真, 下下見到你出場都手震, 行得慢, 我唔好去睇文本, 仲有想像空間啦)

再說, 有很多阿伯都是滿有活力, 身體強健的哦(正如演男同性戀者的演員經常性都只是娘娘腔, 女性打扮, 做蘭花手or扮女人的男人)!


所以你要做的是先看文本
再從日常生活裡觀察/記憶一下你見過的阿伯
他們的什麼特點令你留下最深刻的impression呢?
找到了這些impression之後
加以想像(及從文本裡面找出)一下這些特徵後面的原因,
代入角色的內心世界(想像一下你自己就面對著和他一樣的問題)
令"身""心"合一
那樣, 先可以令角色在台上活起來

一個演員要有創造力先算好演員
一個角色要活/存在先可以吸引觀眾
所以,望你不要走錯路, 變成一個"藝匠" (請參考史坦尼斯拉夫斯基的<<演員的自我修養>>以及<<尊重表演藝術>>/哈根((Hagen,Uta))著/胡茵夢譯/, 中央圖書館有得借)

PS. 以上極為簡陋的睇法, 只是基於我淺薄的演戲知識
有時間可以MSN add 我交流一下
[email protected]

首先要了解阿伯說話的語氣．
一時問很難講解比你聽．
您有沒有聽電台？〔香港電台第二台：每天早上晨光第一線〕
留意下程振彭扮綠影基的聲音．
扮得好似呀．．．