分手後總可以回到以前ma.....

先答你個問題, 分手後再復合可唔可以好似以前咁好呢?
可以! 甚至可以好過以前添! (我有個朋友就係咁, 不過... 當然唔係人人都可以咁好彩啦!!)

而我自己就覺得好睇你地之前既分手原因囉! (eg: 如果係因為唔夾/鬧交既, 難到分手後再復合番就會變到好夾嗎? 老土啲講句"江山易改本性難移"嘛!)

我唔講咁多examples係因為我覺得, 你個問題應該係: "點解你近日見到佢有反想再一齊呢? 之前點解又冇咁諗呢?"

從你發問的字眼中, 我就覺得你最近有"想同番佢一齊"哩個諗法, 完完全全係因為你知道咗佢有個新女友!!!!!

因為我都試過, 同個ex-bf分手後冇太傷心,(雖然當時都仲係好鐘意佢), 不過, 分手後都冇話好掛住佢, 成日想打俾佢....etc, 但係過左一段時間, 從朋友口中得知佢已經開始左另一段新感情時... 我個反應係即時喊囉, 跟住既日子就係成日諗起佢囉, 成日想打電話俾佢囉, 成日想像佢同新女友一齊既開心樣之後又喊囉, 越諗越多囉, 之後就係好似你咁, 好想同番佢一齊囉....

但係依家諗番轉頭就覺得, 當時只不過係因為知道左佢有新女友之後有啲失落感o姐, 因為佢可以開始同第二個拍拖, 就即係唔再鐘意我啦.... 完啦.... 冇啦....

乞人憎啲既講法即係 "你唔要既嘢, 寧願掉落垃圾桶, 都唔想俾第人用"
係呀! 都幾"乞人憎"架! (仲可以話係變態! 自私! 幼稚!...)
不過... 當時真係有咁既感覺呀嘛 =_=..... 女人..... :P

2007-04-17 05:49:44 補充：
長氣啲講多幾句, 我都建議你唔好打電話俾佢(如果你忍到既話), 尤其係你好sure佢真係有女朋友既話, 好似網友"kkl_kelly"話齋, 俾人話"你好煩"就無晒癮啦! 就算佢唔會講到咁絶, 但係當佢傾計時同你用 朋友語氣 / 冷淡感度... 果種感覺都... 都真係... 幾難受架!!(不過.. 相信意見還意見, 你想/會點做, 當然你自己決定啦! 隨心吧... "世事無絶對"吖嘛! ^_^ )希望你可以搵到你既真命天子, 得到幸福! (真心同你講架!)

您見到您的前男友，是不是只想回到之前您同佢好甜蜜的日子，定係，您唔想無左佢。
如果是回想以前的日子，那樣，便不要再想了，一年了，佢都有第二個女友，難道還會想您嗎？我覺得想，會想，不過，一定不是愛的那種。
如其想回到以前，如果係，您唔想無左佢，不如，放開自己，其實，您可以找到個更愛的人。不要再怕打電話俾佢，事實上，您沒有必要，要打俾佢的。
您前男友可以找到新戀情，您都可以的。
祝您，找到新的男朋友，同埋，多點愛自己呀。
將來的幸福，是要看您能否把握，過去的，便留在心中，當作回憶吧。

人地都有女朋友啦，如果你係為個男仔好，就唔應該再搵佢，過去幾甜蜜都已成過去。你一介入，唔多唔少都會影響舊男友同現任女友o既關係。又或者令佢地感情更鞏固﹗^^

你唔通想舊男友同現任女友唔開心你先安樂？你一令到個男仔覺得煩惱，佢只會由原本對你冇乜野變成討厭你。唔通你真係想聽到佢同你講︰「你好煩呀﹗我唔愛你喇﹗唔好再搵我啦﹗」

佢如果愛你，當初就唔會同你分手啦﹗

分左手就係分左手諗咁多野做乜，做個朋友咪好囉，妳還有大把機會者，妳而家都係未有新既另一半先有咁既現象者，比D時間自己啦，唔好咁執著，明天會更好者，加油啦！

放棄啦...雖然佢有可能仲鐘意你...
但係你明知佢已經有女你仲介入佢地...
你想做第三者咩....

分手後應該就好難回到以前～再加上佢都有女朋友～
有時間都走去陪下女友～陪下朋友～

仲ｌｉｋｅ唔ｌｉｋｅ你都冇用ｌｕ～
因為佢有女友勒ｍａ～

不如你等佢同女友散左先再諗呢ｄ野啦～
而家你打比佢又唔係～見到佢同女友一齊又唔開心～
不如唔好諗～專心做其他野啦～

感情ge問題好複雜嘎!一對情人如果分手後再系番埋一齊,感情就5會好似以前甘sweet嘎啦!俗語都話啦:"破鏡難從圓"與其浪費時間系個舊情人身上,不如去搵一個會比到幸福的人好