請踴躍解答，小妹對製衣 成衣 garment 的疑難吧~!THZ~

Q1:通常廠都係大陸(生產,香港都有但多數都係加工),做文職既先會係OFFICE度
OT就一定要架拿,做製衣既如果做CUSTOMER SERVICE同SALES有時候都要上大陸睇廠OR見客,不過就唔係間間廠都係咁
本人只做過牛仔褲方面的garment所以衫果方面唔清楚,但lee行都好易上手,好多人都肯教

Q2:garment通常分account,shipping,customer service,sales,procurment大d既公司可能有埋studio
OT方面,基本上係冇邊個部門係唔駛加班的...所以如果你有其他PT既趣議你辭左佢,會好辛苦的
而上大陸方面account,shipping同procurement LEE D部門應唔洗上大陸,因冇乜關係

Q3.shipping我唔太熟,但你講既船公司/trading都係shipping做的
shipping負責將大貨安排船期/飛機期運比個客
sales就負責幫客落ORDER,CHECK SAMPLE/成品岩唔岩客人要求
採購負責訂野,例如個客黎左個ORDER,採購就負責訂果件衫/褲所需要既野(線/布/拉鍊/其他配件)有時要出深水步果頭搵料至得
起薪點點大約5K-7K(第一次做)

Q4.如果唔想辛苦既做account同shipping,前景老實講就都穩定既,但你想升既絕對有難度,英文一定要超掂,了解埋製衣既過程估計起碼要做4-5年時間LO

本人一會考完就做LEE行,轉過二次公司做,如有興趣既歡迎留MSN交流下^^

1) 其實除咗廠同行之外仲有一種叫做trading. 係同行攞單之後比廠生產.
講真而家有邊D行業係唔使上大陸呀? 做美容院都要啦!!
Garment大致上分成針織, 毛衫同埋梳織. 而牛仔衫/褲係屬於梳織. 以我個人認為梳織會容易上手d.

2) 如果真正既gmt其實係冇分門家,因為有一部份既中小型工廠係一條龍, 全部都要做.
但係好似我而家做既公司咁已然分咗好多dept.例如開發, 採購, 辦房, 跟單, 生產, 電腦, 船務, 會計, 洗水, 印花等. 我公司全部都要番大陸.

3) 其實我係一個跟單, 我要接觸既shipping大致上都係有關走貨走辦咁, 如果係做美國/歐洲等地方既客的話, 仲要跟進quota既野. 起身點大約HK$6,000. 不過多數都要請有經驗.
sales/merchandiser 當然係由頭跟到落尾, 我地成日都話係包生仔.
要睇吓你好唔好彩, 有D公司要請冇經驗做跟單文員.人工大約係HK$6,000-HK$7,000
採購都好重要, 因為係要做research, 以最平既價錢買料做料, 其實壓力都好大家.
人工都係同跟單差唔多.
其實做跟單同採購前景會好D, 因為進升機會比較高.

4) 請唔好介意我以下的說話, 講真如果你又要補習又要做兼職, 有咩行業既阿HEAD可以接受? 見到你既情況其實真係好需要揾錢, 其實如果可以的話你睇吓可唔可以唔補習, 只係星期六,日做兼職. 揾一份五日工作OR係長短週既工.(做merchandising clark/purhasing clark/assistant merchandiser)比較好.
做到約一年左右上咗手, 可以揾製衣業訓練局既夜間課程進修.

我做咗六年 - 而家係一個高級跟單 - 月薪HK$18,000. 仲有double pay 同花紅.
(仲有我會考只係有六科合格, 不過我用咗兩年時間讀製衣業訓練局, 攞咗張文憑,
之後先入行)

希望可以幫到你啦!!!