已經有咗7個月啦，但係仲係好担心呀

我嘅懷孕期好快就到7個月啦(今個30號)，但係唔知點解我個肚比起其他同期嘅大肚婆細好多呀，細到好似有咗4 - 5 個月咁咋，我知道bb係有大到架，因為我有check住我個肚，係比起冇懷孕嘅時候大咗，只係大得比人少，個肚睇起上嚟唔似有咗7個月咋，咁樣其實算唔算正常呀，因為我做產前檢查嘅時候問醫生，佢話只要個b有郁就正常，唔使担心喎，但係我都係好担心呀。

另外，我個b都宜家都仲係橫瞓喺我個肚度，仲未轉直呀，我睇好多大肚婆書，全部都話個b宜家應該係轉直咗，只係個頭仔係我個心口附近，但係我就感覺到亞b個頭仔係我右邊肚附近，咁樣又算唔算係正常呀，同埋亞b會唔會唔識轉直架，啲大肚婆書話胎盤橫瞓要開刀架，我唔想開刀呀，我好驚呀，有冇人可以救我呀。