我二隻倉鼠成日lay埋入屋仔度唔出尼，點算呀？

ronaldcylam

2007-04-16 6:31 am

✔ 最佳答案

我屋企果兩隻都係呀.....我有養倉鼠o既經驗o既..... 咁講真...我果兩隻野都兩歲幾啦... 倉鼠之中佢地都算老喇,, 佢地因為老o既關係就好少出o黎活動o既!! 我唔知你兩隻倉鼠幾多歲啦....但以我所知道... 通常倉鼠到左1歲幾o既話,,多數都會lay埋o係屋企到唔出o黎玩o架喇... 所以呢,,唔洗擔心o既.... 佢地成熟左o既姐
不過如果你話你果兩隻好細個o既話,,佢地可能會患上左自閉症.....我曾經有一隻試過(不過依加死左) 你如果想佢地出返o黎....可以用佢地D小食&改建佢地間"大屋"... 加大佢,,再+多少少野玩佢地就應該會成日出o黎玩o架喇!!
希望可以幫到你啦

如果你有任何倉鼠o既問題,,你可以msn搵我:[email protected]

我雖然只係一個就快14歲o既男仔,,但我對養寵物就好有經驗o既-v-

參考: 我個人經驗

👍 0 👎 0

kafai0724

2007-04-17 4:27 am

急就快D睇E生啦，好危架

👍 0 👎 0

用戶124142

2007-04-17 12:09 am

比野佢食引佢出黎.

👍 0 👎 0

杰

2007-04-16 1:52 pm

倉鼠係夜晚活動,日頭訓覺,所以如果你既作息時間係同鼠鼠相反既,咁就好易成日都見到佢訓緊or呢埋啦.夜晚有時鼠鼠都會訓,就算你半夜睇佢幾次,都未必會見到佢地

你可以叫佢名,用裝食物既袋發出d聲音引下鼠鼠,鼠鼠好易認得食物袋既聲,除非你買返唻冇耐啦.叫下佢俾下野食佢,再挽下佢同佢玩,觀察下佢會唔會冇咩力,會唔會唔食野,睇下佢身體有冇異常,如果一切正常既話,都唔洗擔心.天氣忽然熱左咁,鼠鼠都會少左活動既.

如果你係初初買佢返唻,又或者有咩令佢地驚,鼠鼠都會呢埋,咁既話就要俾d時間佢靜下,過多2,3日先用野食隔住個籠叫佢,俾野佢食,等鼠鼠知道你係對佢好,等佢唔抗拒你先再抱佢玩.

另外,你兩隻鼠鼠係咪放埋一齊既呢?因為天生根本就係獨居動物,根本唔適合群居,就算兄弟姊妹,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣既.如果你係放佢地一齊,就算暫時未打交,都好易忽然一打就打死晒,所以希望你考慮一籠一鼠啦.

參考: 十多年養鼠經驗

👍 0 👎 0

用戶142372

2007-04-16 7:48 am

我隻倉鼠都係成日lay埋入屋仔度唔出尼啦！

參考: ME

👍 0 👎 0

我二隻倉鼠成日lay埋入屋仔度唔出尼，點算呀？

回答 (5)