有無人可以開解我........................................

我也是研究命理和測字的。我認為天意難測，很多時受到各種不同因素改變了應該會發生的事。
所以命相師會教人改名轉運，風水師教人以方位趨吉避凶，法師教人作福消災，如果你相信有命運這回事，更應相信命運可以改變。
最簡單的解決方法是現在立即到廟裏向如來佛誠心禱告求助，在懷孕後立即到廟裏把孩子契給黃大仙或觀音，而兩夫婦則多作善事，幫助別人，在你誠意之下，自能消災解難。

我個人認為 你要忘記摸骨的事

摸完之後反而日日都諗住佢, 真係冇事都變有事啦!!你愈「凝」住件事會發生,咁一有d咩事突如奇來ge話,真係會擔心死你

未來 即係未知的將來,,既然係未知,點解要突登去發掘出來?
冇人會知係好定係唔好,但如果一早知道會唔好,咁你一定成世人都唔安樂,冇一日過得開心

但既然你知道左,就當係耳邊風,聽過就算,唔好當真,唔好日日都諗
自己搵多d野做下,分散下自己對事件ge注意力,就會慢慢冇左件事架啦

當然,你ge小寶寶出左世的話,,你都好自然會小心咁痛錫佢.又點會有事?!

唔好再成日諗呀!!!會痴線架!!!

記住呀

可能我本人唔相信摸骨呢回事 ...
我都知信既人 ... 或者聽者會覺得好驚好難過

但係 ...
其實如果你真係想要小朋友既話
我相信當個 bb 係你身體裡面或者出世後
你都會好好咁照顧佢 好好咁錫住佢
既然係咁既 ... 不如將你既心思都放係bb 身上
盡你既能力保護佢 照顧佢
人定勝天 ... 雖然意外好難講 ...
但係每一個人既際遇都唔同 ... 如果俾一句說話困擾一世
到最後先後悔點解當初唔生 ... 咁就一世遺憾！！
如果個 bb 真係有出世 我相信佢一定帶俾你好多歡樂

假使真係有一日 真係應驗左摸骨者既說話
傷心一定會有 可能以後都唔想生 ...
但係 ... 至少到老既時候 ... 唔會想要但無得要
可能真係無左個小朋友你都會話自己蠢
你會後悔無聽果個摸骨者既說話
但係 ... 無論個小朋友出唔出到世
出世後會點都好 ... 你都曾經有過小朋友
一個因為你而曾經存在過既親生骨肉

如果我係你 ... 既然咁想要小朋友
我會用盡所有方法和能力去保護我既小朋友
即使最後都係要失去佢 ...
我都要自己知道 呢個小朋友曾經俾我希望快樂
就算佢唔係我身邊 我都會好掛住佢
俾佢知道我好錫佢 明白嗎？

我相信一個人死左會有靈魂
即使係一個 bb 都會有感覺有思想
都會感受到媽媽對佢既愛
會多謝媽媽讓佢曾經存在過