我的女倉鼠經常困在屋,還打男鼠,女倉鼠是不是懷孕??如果懷孕我是要把小倉鼠放去別的地方,還是給女倉鼠照顧?

鼠鼠懷孕係好難單靠肉眼同鼠鼠本身既行為去判斷,多數比較顯著既係突然肥左同性情暴躁,但將兩隻鼠放埋一齊,實會打交,咁就當然會脾氣唔好啦,而突然肥左都好易係因為食得多野,所以根本好難証實. 如果鼠鼠懷孕,大約15-19日就會生bb.

如果你懷疑佢懷孕,就要留意以下幾點:

1)生育前將鼠爸爸分開籠,單獨放鼠媽媽

2)唔好接近個籠,唔好掂鼠媽媽同bb,盡量等到鼠bb戒奶後先洗籠(大約18-21日戒奶)

3)用奶粉沖d奶代替水俾鼠媽媽飲,記得唔好俾鮮奶,唔係會令鼠鼠肚唔舒服既

4)生之前放定好大量既食物入去,之後換食物換奶都要小心唔好俾鼠媽媽發現,到鼠bb識行之後,食物就要整碎d,唔係bb食唔到/食左落去吞唔到就大件事.

5)唔可以將鼠bb同媽媽分開,唔係bb就冇野食,生存唔到.我細個既時候,有人教我用手餵bb飲奶,但咁係唔可行既.

食自己鼠bb有幾個原因:

1)如果鼠媽媽覺得bb有危險-媽媽會食左bb/收埋bb入腮,令鼠bb缺氧,都會食bb

2)鼠媽媽覺得bb養唔大-鼠bb身體弱 or 自己冇足夠既奶分俾佢地

3)鼠媽媽覺得bb有第d動物氣味

4)鼠媽媽情緒太緊張-有第隻鼠在場,有外來環境令佢緊張,有人打擾佢,甚至只係因為生育而情緒緊張

5)鼠bb死左

6)鼠爸爸對bb根本冇咩感情,所以如果生之前冇將鼠爸分開籠,爸爸就會食bb

其實既然佢地打交,我諗第一件事唔係關心係咪懷孕,應該首先睇下隻男鼠有冇事先,首先要將佢地分籠,睇下佢既受傷情度,睇下洗唔洗同佢搽一d外傷既藥,氛口近頭部就要睇下買唔買到一d放入水度既藥俾佢食.如果傷得嚴重既,就要帶佢睇醫生.

愛護動物協會診所資料:

http://www.spca.org.hk/chi/vet/vetclinic.html

愛護動物協會流動醫療車資料:

http://www.spca.org.hk/chi/vet/moclinic.html

其實睇你所講,你都應該明白鼠媽媽好易會整死d bb,咁點解要你既鼠鼠繁殖呢?繁殖鼠鼠會發生好多好多問題,有好多機會會令鼠媽媽食晒d bb,場面好恐怖下.

而且鼠鼠天生根本就係獨居動物,根本唔適合群居,就算兄弟姊妹,都一樣可以打到死晒.睇書知道,外國既鼠鼠繁殖場都係一籠放一隻鼠,到發情期先放埋一齊一陣.

而且繁殖鼠鼠既速度好快,又咁多問題,就算樣樣都解決到,都會令鼠鼠既生活質素下降,鼠媽媽生育後壽命又會縮短,好多隻鼠又會有第d問題,所以點解要鼠鼠生bb呢?

可能係懷孕

可能真係懷孕...唔洗分開佢地的....但係你呢排唔好同佢地換木糠住...因為咁會令到倉鼠媽媽驚有人害佢D BB而食返佢地D BB架..已前我D 倉鼠就係咁...如果生完來記得買返D 維他命比媽媽食...去寵物店有得買....提多你一句....佢地繁殖得好快 架....真係生到你怕...最好就男同男女同女分開養.....開頭寵物店梗係同你講買一對好D .....但係就冇同你講佢地繁殖得好快....倉鼠D屋仔好多變化架...可以幾間屋你連埋一齊....我已前買屋仔都買咗三間...記住啦...最好就係分開養.....

我唔係養開倉鼠既人'
不過我知如果小倉鼠出世''
個呀媽會咬死佢""
我有個fd隻小倉鼠就係咁比倉鼠媽媽咬死!!