點解yahoo 知識+ 要set權限問題呢

上面兩位朋友都答有好啱,兩位o既答案我都好同意.
每位喺度高級o既朋友,都曾經過小學級,他們都是用好多時間,好努力去替發問者找尋答案,在小學級,我都識過覺得好唔公平,點解啲可以用html的人,貼多張圖,用多啲色彩,就能比較大機會被選為最佳答案?但自己一路留喺度,就會發覺所講的唔公平,並唔係因為html,而係發問者本身!為什麼當發問者見到一個好的答案,自己唔去選最佳答案?往往因為長篇大論,多色彩,貼了圖,而又唔貼題的最佳答案,都是由大家票選出嚟的,得罪講句,而呢啲票選答案,亦大多由小學級投出嚟!因為佢地想快啲升級,可以用html,而唔去詳睇咁多個答案,就投一啲長篇大論,或頭一兩個答案(中學級比較少,唔係話佢地唔會亂投票,而係佢地比較少投票,因分數對上了中學級的朋友已經唔重要).
權限制度亦可以盡量減低啲人自問自答浪費資源(我係話盡量),如果唔set權限,一日可能會有幾百個知識長出現!!而且你可以將呢啲睇為獎勵,喺度答問題,無錢分,無實際獎品,權限就喺俾一啲盡心幫人o既一點小獎勵(當然有啲人只係喺度當遊戲,自問自答或唔理人問乜,就亂copy啲不貼題的答案).亦都可以利用一點虛擬o既虛榮心,令網友可以留喺度答問題(你在知識+答問題為乜?有乜可以吸引你上嚟幫人答或搜尋答案?)
如果你話「富者越富，窮者越窮」!咁高級的朋友o既採用率又從可而嚟?他們也要經小學級呀!你可唔可以將呢啲睇為「多勞多得」呢?

圖片參考：http://www.slfc.jp/mat/dot/dot04/052.gif

我都認同呢！

雖然我明白tsuiwc2002所講咁，"越高級的會員權力越多"，但係問題係我個人覺得，黎yahoo知識+，唔想做到好似玩遊戲機咁，好似要你爭我鬥咁，咩地位咩權力，其實有咩用？

我問人問題因為我有事要請求，我答人問題都係因為我想幫人，我就係唔明點解要整到"地位高"既人就可以有更多能力去幫人咁？其實幫人最緊要都係個心，有心幫人既，做咩要阻止／限制佢？

俾個例子，有時當我好熱心咁答左人一條問題咁，跟住過幾日就見到幾個人好似爭住要答咁，爭住要拎到"最往答案"，我睇佢地d答案，其實(中立黎講)佢地好明顯唔係真係好明白條問題問乜，只係唔知響邊到search d有關topics，係咁copy and paste，段野係勁長，但係可能有d off-point(有時我直程知道根本係錯添)，試問咁樣幫人，有咩point？ 而問問題既人見到咁長，又有圖又乜乜物物，心諗呢個一定係最佳答案…我覺得可惜既，唔係因為佢冇俾個"最佳答案"我，反而係問果個人因為自己都唔係好明個topic講乜，好多時見到個"賣相"，就被騙了

我有時心諗yahoo知識+既現有制度係咪唔係幾好呢？如果yahoo知識+係純粹"吹水"性質，好似d forum咁傾下笑下咁，我冇乜所謂，但係問題係yahoo知識+唔係一個forum嘛，做咩懶係整到好似有forum咁既制度？d人又做咩要整到要好似玩forum咁既心理去爭分、又要計較邊個地位高低？咁樣幫人我覺得實在唔係好健康

d人想搵幫手，而yahoo知識+又可以聚集識答既人，呢個先係yahoo知識+既目的嘛

至於分數而言，我唔係反對，我覺得如果係良性黎講都ok，因為分數制度可以俾問問題既人一個關於答果個人既quick reference，從而知道答案既可靠性

但係要分咩能力就…真心講句：真係有d多餘，黎呢度都係因為有個想幫人既心，或者想有人解答到自己既難題姐，又唔係打機，駛唔駛做到咁呢？有時真係想幫人，但係打到超過字數又要煩減少字數，想link d圖又要管咁多，幫人都幫得沒趣啦

不太同意你的說法, 呢個同你玩論壇一樣, 越高級的會員權力越多, 做人也是一樣, 地位越高權力越多, 而yahoo知識每人都由最初級(幼稚園/小學5級)做起的. 直至去到大學級先可以貼圖, 用hyper link. 點為知有權限呢??只要你不斷答問題, 而且都是有質素的答案, 就可以有最佳回答, 咁你多最佳回答自然就會有最佳回答的分加, 一條5分題, 如果你有最佳回答, 就可以得到雙倍獎分, 即10分, 而10分題可得20分, 15分題可以得30分, 20分題可以得40, 就咁加下加下就去到大學級la, 老實講, 我都係玩左yahoo知識一個月左右, 已去到大學一級la, 我由2400分左右已累積了180個最佳回答, 採用率已達到50%以上, 所以我不需經過中學級階段, 已可以由2449分小學1級跳級到2501分的大學2級, 其實你想享有權力(post hyperkink及圖片), 你只要用心地回答人地問題, 再累積最佳回答及採用率就可以la~如你係喜歡慢慢地升級都總會上到大學級, 但會較耐才去到.


2007-04-15 03:53:32 補充：
不是180個最佳回答,是90個左右才對, 我記錯, 因為現在才144最佳回答

2007-04-15 04:09:14 補充：
加上當時我答的問題是已有200條

2007-04-16 01:18:05 補充：
你對yahoo知識管理員的些少不滿, 我都明白, 有人明明是用來設訴其它的會員而亂開post, 小學級會開10個, 中學級的會開20個, 但我經常檢舉這些post, 但管理員都只是回覆一封一式一樣的的回覆:XXX 您好,首先，多謝您一直對Yahoo!知識 服務的支持。您提出的檢舉內容，我們已經作進一步的了解。為了提昇知識 服務質素及豐富本地的知識 的內容，我們需要您的繼續支持。繼續使用Yahoo!知識 服務。再次謝謝您的支持。Yahoo!客戶服務部

2007-04-16 01:18:17 補充：
令我沒有心機再去檢舉, 我打了的理由他們不會理會, 例如我曾經有人洗版(成板都同一開題或對某人的投訴, 我要求把某人停權, 但管理員都是del了post了事, 唉, 但我為了幫人, 唯有繼續留在yahoo知識

2007-04-16 01:22:24 補充：
長期下去, 會沒有人會檢舉, 管理員應親自回覆, 不要透過冷冷的舉報系統的標準回覆來這樣對待檢舉人