✔ 最佳答案
我建議妳去睇不育科好d~~
雖然貴d, 但普通婦產科醫生有時對不育問題並唔係咁了解, 咁就會拖慢左~
好似我上年都睇左一年婦產科醫生, 一直都同佢講想有bb, 但佢就冇叫我做任何檢查, 剩係比左一次排卵藥我, 點知果次就搞到我d m遲左成個月先黎, 一黎仲要山洪暴發, 要再返去睇醫生佢比d止血丸我食先止到血!! 跟住之後我就驚左, book左個不育科醫生睇, 雖然而家未去睇(排到4月尾), 但聽其他網友既意見都話呢個醫生幾好幾細心, 我個心都定d~~
我睇果個係 董曉芳醫生, 係仁安不育科既醫生, 係仁安, 沙田, 尖沙咀都有診所, 但新症book仁安醫院就最快有得睇, 而家book大約要2個零月啦~ 我果時都係2月book~
因為我未睇, 所以未知道要洗幾多錢, 但睇親不育科, 第一次都要預過千架啦, 因為可能要做好多檢查果d, 之後每次睇就幾百幾百咁啦, 如果要做iui, 係仁安就大約4~8千, 睇用針藥多唔多囉~
妳果時墜完胎有冇坐下月呀? 因為無論小產墜胎都要坐月架~
如果妳覺得仁安太貴, 咁可以叫妳而家睇緊既醫生寫紙去排瑪麗/威爾斯/廣華醫院既不育科, 如果妳睇果果個係婦產科醫生, 咁就可以即刻排, 大約排1年零2,3個月啦, 如果妳搵唔到婦產科醫生寫紙, 咁佢地都會照比妳排, 但就要排婦科先, 睇完婦科佢地覺得妳有需要就會幫妳排不育科, 用多幾個月咁啦~~
我而家就排左瑪麗既婦科, 6月頭就有得睇(2月尾去book既), 每次睇就用60蚊(網友提供既), 如果要做iui都唔會好貴, 但就又要排隊囉~~
如果可以付出一萬蚊以下既, 我建議妳先睇左仁安先, 但照book政府醫院, 以免係仁安睇完後發現要做ivf呢類貴一貴既療程時, 先再去排政府就有排等啦~ 如果係仁安佢已經話做iui已經ok, 咁都負擔得黎丫麻~
如果真係冇咁多錢, 就直接去排政府啦, 妳仲後生, 19歲, 等多2年都係21歲, 不過真係要打電話去問清楚佢地有冇年齡限制, 因為可能佢地會因為妳仲好細個而唔比妳排住架~~