✔ 最佳答案
腳背射球正確姿勢
曉射勁波嘅人最大煩惱係撳個波,唔係撳唔低(炒高)就撳死咗。
射勁波要靠大腿同小腿肌肉嘅爆炸力(同肌肉內IIA及IIB fast fibre有關)同埋協調性,呢個係最基本。射波助跑唔好左搖右擺 (有啲人助跑如撑艇,可能慣咗短跑起步),射勁波幾時都係沈腰、拉盡弓,鎖緊腳腕,然後腳背面「銀」埋去。
射勁波要用正腳背,鞋帶結低少少個位「銀」埋去,高中低波嘅分別就係腳背觸球時腳背同波嘅角度:
若果係咁:- O╲ ,就射地波;咁: O│ ,就射中腰波; 咁: O/,就射高波。注意個角度冇圖示咁誇張,但觸球點一定要正腳背,因為嗰度有舊骨,最硬。仲有,「銀」個波中間。你成日炒高係因為你只得power,冇control,唔用腳背撳,九成飛街。
無論射高中低波嘅姿勢都一樣,助跑、沈腰、拉弓同腳背「銀」。差別係腳背角度,嗰種係種微妙嘅感覺,練得多就領會到。
短片
下面youtube嘅video教你點樣腳背射
http://www.youtube.c om/watch?v=AmOy91let wM
重砲同佢示範差唔多,唯一起腳抽嗰下要用肌肉啲爆炸力,練多啲射門,練多啲重砲就得。