電召客貨車

我以前做過一間係咁上下,未必可以解答你全部問題呀

收入都ok既,不過好多都會另外接order,即係有時車左個客,自己或者人地主動留電話,等d客搵你啦

電訊牌我就唔知喇...

車身貼唔貼貼紙視乎你公司而定o者,我見有d人都係攝個牌仔係車頭就算,都係方便幫公司賣廣告,方便d客同d行家分辨你o者

簽約係睇你點同個台傾,有d簽左可能台費有平d,不過困身d囉

俾左台費之後,做左幾多都係歸你,不過你都要mark返低,要交數

工作流程就係:去站頭,call上台,報位置,d台姐收到就會mark低你係排緊隊,一個個order咁輪,當然係睇你好唔好彩啦,輪到支order係遠既,做完就可以去返目的地附近既站頭再輪過囉

唔識路好閒咋嘛,冇人叫你周圍同人講你唔識路架嘛,同埋你都話識睇地圖啦,哈哈,點會唔俾你做,識揸車就得架啦

如果去左d遠d既地方其實唔去站頭都得架,你同個台姐講聲咪得囉,好多都係咁,但係市區果d就唔好啦,因為人地都排緊隊架嘛

我聽d朋友講依家都搵到幾百至一千一日架,又係果句,睇你好唔好彩囉

希望幫到你啦^^

電召車的電訊牌是由電召台幫你出的，簽約問題各公司不同，如果你客戶夠的話，你是可以不做台的柯打的搵多少是看你有多少客戶及勤力否。