女比男大十五年

社會壓力始終係外來既壓力，以而家社會既包容態度黎講，其實根本唔需要去理會其他人既目光。反而來自現實、內在既壓力先係真正問題所在
就好似你既年齡咁，如果打算生bb，其實係3年內就應該要結婚，依d經濟壓力更大啦
如果唔生，對方仲細，依一刻實話唔生，但係到佢三十歲生，或者又想生....
其實你都好大個女，應該明白到有d野將來可能會發生，諗清楚風險之後，如果仍然係覺得想同佢嘗試一下，咁就要趁早同個男人講清楚，例如自己年齡啦，遲左，可能佢會被愛情沖昏左頭腦

我而家都同一個細我好多年既男仔拍緊拖, 你同得個細你好多既男仔一起, 除左大家都中意大家之外, 有好多野係開始之前都要考慮到既..好似個男仔會比你幼稚,好多野要你去就佢去照顧佢, 當然如果個男仔思想成熟既話..依d野都可以避免, 問題係佢只得18, 你真係要有咁既心理準備, anyway, 我都支持你去開始, 因為既然遇到個相愛既..唔開始點都唔知結果係點..

年齢唔重要,開心米得擺,

我見過一對 : 男 22歲(未婚) , 女 35歲(已離婚) 舊年結了婚 , 他們都相差13年
誰會知道明天會發生什麼事 , 何必去計量這麼多
<愛到底 是無所不能>

其實大家就算接受到社會既壓力, 歧視既目光. 但你有沒有想清楚你年齡比佢大咁多其實不論性格還是思想,你都會比佢成熟. 其實咁樣對這段關係會出現好多問題. 就算唔講外來壓力. 你同佢之間都會有好多問題. 生BB啦, 結婚啦. 什至性格啦. 佢始終都只不過係18, 佢玩又咪玩夠, 佢邊會咁快諗結婚問題, 什至結婚對象吖. 佢分分鐘都仲未知道自己鐘意D咩, 將來想點..等等既問題. 可能大家剛剛一齊仲係熱戀期時, 大家真係會好開心, 但一過咗個熱戀期., 佢分分鐘會覺得你似佢亞媽多過女朋友, 已你自已又有機會覺得佢似你個仔多過男朋友. 因為你不論任何一方面都比佢成熟, 同有經驗. 話哂你走既路多佢咁多. 見既人同事都會比佢多. 什至揾既錢一定會多過佢. 當你有問題, 佢根本唔會識得幫你去解決. 因為佢自已既人生經驗都唔夠. 又點可以幫到你呢?

我絕對相信佢而家會因為一時既好感, 會想同你有進一步既發展. 但係其實你選擇一個咁細既, 對你係完全冇保障.佢咁細,仲有大把時間, 就算佢唔會因為社會既壓力, 歧視既目光同你分手 , 但佢都可以因為好多其他因素既問題同你分手, 因為佢絕對會諗"我有大把時間, 呢個唔開心我咪揾過第二個law" 佢有大把時間je...但你有冇呢?

講真我擋你地一齊咗3年 呢三年都好好, 冇任何問題, 佢先21歲, 你已經36. 咁到時結唔結婚呢? 我又擋佢真係好愛你, 所以佢都會想結婚. 咁但係又點結呢? 佢得21,你唔會諗佢會有錢結呀?

我估你真係要想清想楚.

其實呢個世界度度都有歧視ge 眼光~無論係種族,國籍等都有歧視ge 存在,同性戀人地反對
正常ge 男女一齊~年齡又係一個問題~但係只要你地2個可能忍受到世俗人ge眼光,一齊跟本冇問題~但係,你要清楚咁知道 個男仔係唔係 想同你一世先~如果佢只係諗住玩下~又或者係諗住拍散拖ge 就最好唔好啦~因為一黎哂左大家ge 時間~二黎你自己都唔細~應該做一d 更重要ge 野~同埋如果你真係鐘意佢ge 就應該同佢諗下 佢ge 將來 一個18歲ge男仔
應該係讀書又或者係出黎做野ge 時候~係佢ge將來都未係上軌道果陣~佢已經面對好多問題ge 時候 ~仲係唔係要佢面對更多ge 野呢????畢竟佢都係得18歲~有好多野都未可以成熟咁去處理~ 同佢一齊真係要好好諗清楚~唔係會害左佢~ 個人認識最好唔好同佢一齊~
因為我覺得鐘意一個人唔應該令到佢咁辛苦~最好做返朋友~又或者保持宜家咁啦
同埋都好希望你可以搵到一個比佢更好ge 男仔!!!!

我老公細我兩年，我知佢介意，雖然佢無講出口，但我感覺到。你現在年輕，但是女人特別快老，遲的你同佢會似兩母子，到時佢一腳伸到你地去太平洋，到時你咸都無謂呀，請恕我直言，您皺皮時，佢仲靚仔，咁您話佢介唔介意呢，攝高枕頭想清楚啦。

2007-04-14 14:29:33 補充：
而且我看起來好像細佢十年，佢都mind 啦。

可能會又可能唔會
唔會:因為有d唔怕你係咪大個自己同唔怕社會壓力而與他分開.
會:because佢怕比人笑.