我想問我應該點做 ?

我諗你嚇親佢喇, 會唔會急進咗d呀, 佢可能對你都未了解清楚, 你就講埋晒d咁o既嘢, 會影響你本來喺佢心目中o既形象o架.
而家唯有以退為進, 搵機會同佢say sorry, 話以後唔再煩佢, 或者可以殺出一條血路o架.

如果係咁你就同佢做住朋友先,唔好成日掛係口邊話要同佢拍拖,嚇親佢會反感架.比d誠心誠意出黎，等佢慢慢接受你再欣賞你,就一定可以有開始,所謂:精誠所致,金石為開。
我精神上支持你,掂!

可能性有兩個.
第一,佢根本就唔中意你,又怕傷害到你,就以「不想拍拖」為由,藉口拒絕你,令你死左條心,打發你走.
第二,佢冇呃你,正如佢話,佢唔想拍拖.
但係唔理係一定係二,都係殊途同歸,最後結果都係佢唔會接受你.
既然如此,你死纏爛打都係冇用.
我諗佢應該唔係中意你,所以你都唔好諗住佢無啦啦會主動追番你.
咁既情況,你有三條路,
一係繼續追,以求打動佢.
二係等.
三係放棄.
我就唔建議你再追,因為你不過係表左白,
都已經嚇成佢咁,直頭唔同你做朋友.
如果你仲厚面皮到咬住佢唔放,佢真係嫌你煩,憎死你.
至於等,你就可以考慮.
但係就唔好開口埋口都話佢知你會等佢.
咁就即係你想佢內疚,比壓力佢,一樣令佢唔知點對你好.
換句話講,你即係明追佢.
所以不如轉做暗戀.
雖然好多時候,我都會叫人追佢地心愛既女仔,
咁樣先有機會.
但係你又唔係未試過,都失敗左啦,
所以要等另一個時機.
但係就唔知要等幾耐,可能佢父母唔比佢拍拖,
亦都可能佢想讀好書先.
所以你分分鍾要等到畢業.
同埋你自己等都冇用,你呢段時期都要係佢身邊做佢朋友,
希望佢有朝一日留意到你,最後接受你.
難度極高,考你意志,
仲要你唔可以同第二個一齊既同時隨時準備見到佢同第二個一齊,
一定辛苦你.
而且你一定要先同佢做番朋友,話唔再追住佢.
所以唔得就要放棄.
放棄定等,就睇你有幾中意個女仔,
因為放棄代表冇機會,你一定要放低佢.
而等就代價好大,你一定要好中意佢先得.
而家你梗係話好中意佢,
但如果等左佢十年你先話放棄,就覺得自己虛渡左好多光陰.
所以不如等住一排,中途隨時可以放棄.
或者你真係肯定佢唔會中意你,或者佢同第二個一齊先至死心.
等住先啦.

連朋友都冇得做 ??

佢都無甘講過.....你想得太多啦...

如果我系佢,單憑一個男仔系網絡呢個虛擬世界度向我講作句"我中意你呀"甘...我覺得一d感覺都無,我可以點?點解我會無感覺?因為我看到ge只系系個電腦mon上果几隻字jet,吾通我會好感動阿,又流眼淚阿,又話,好阿,我地開始啦,又點點點甘阿??

或者佢當時好吾開心,根本無心情理其他野

佢講得好呀,遲 d 先算

如果你真系like佢,時間根本吾系問題

你不用傷心,或者佢想你讀好D書先,我想佢應該唔會唔同你做朋友,佢咁講可能是想你不要love她,因為佢可能已經有了Boy Friend!順其自然吧!

既然人哋都話唔想拍拖住,咪做住朋友先囉,另一個可能性就係佢根本對你無那個FEEL,又唔想HURT到你,咪同你講做住朋友先囉.你再迫佢咪會令到大家連朋友都做唔成.你暫時死咗條心把啦.