✔ 最佳答案
男人可以將愛同性完全分開的，分左手之後同你發生關係唔代表佢仲係鐘意你。你地所謂既曖昧關係很無謂，佢只係想拖住你，搵你做佢既後備情人，等佢一年都搵唔到新情人就仲可以有你呢個後備，佢搵到啱心水一定會一腳伸開你。你地既承諾我覺得係佢已經一早睇穿左你，應承左你就唔會係呢段時間同其他男仔拍拖，如果佢知你唔會遵守，咁佢搵你做後備情人就毫無意義啦。
佢唔答係咪仲喜歡你，實際上咁已經代表左佢已經唔再喜歡你啦。
你咪咁傻啦，佢家下先至 final year，我諗佢可能 23 歲都未有，你地拍左 6 年拖，我覺得係佢已經覺得拍咁耐已經太悶，無晒衝激，無左愛既感覺，年青人始終係心太野，佢咁後生你好難綁得住佢。佢 play 得呢一年就自然會第二年第三年，男人邊會咁後生就玩夠架，佢不斷係出面play，你問問自己個心受唔受得住呢d 刺激先。
你問得出呢個問題睇得出你仲係鐘意佢，不過你唔好俾 6 年呢個時間綁死你自己啦，你一直咁同佢食飯聯絡，你會好難抽離出呢段感情，有d 野完左就係完左，佢家下係出面玩，遲下就算你地真係喺番埋一齊，我諗你心裡面都會有條刺。hey, 放眼四周出面個世界仲好美好架。
如果你一定要搵佢求個明白，想知佢係咪真係仲鐘意你，唔問清楚唔死心既。你不如試下同佢講你家下唔會繼續遵守一年呢個承諾，話佢出賣左你，睇下佢有乜反應啦，佢之前唔肯講，你呢下迫一迫佢，佢應該會講架啦，至於佢講出黎係真定係假，你地話晒過左 6 個年頭，你應該都會有多少把握判斷到。
如果你仲需要多d 意見可以再搵我傾。
