關於倉鼠的問題？？

2007-04-14 9:24 am

✔ 最佳答案

如果浸到兔水都幾真係幾嚴重,好易令鼠鼠傷風感冒.

你所講2隻手唔郁得,因為佢累,因為佢整到,因為浸到水定因為咩?浸到水係幾耐之前既事?幾耐之後先有你講既情況?

當你所講既都因為浸到水,咁就可能係佢浸完水之後感冒,令佢好累,唔係好行到,而浸到既水可能唔係幾乾淨,咁就好易有皮膚病,令鼠鼠甩毛.

感冒就會致命既,最好就睇下醫生安全d,未去到既,可以保持周圍既環境衛生,俾一d有營養既野佢食.可以試下俾d麥片or白麵包佢(得呢兩類人既食物我會俾鼠鼠食,仲係有病先會俾) 如果你或你既家人有感冒,都唔好接觸佢,唔係又會令鼠鼠更加易再受感染.(鼠感冒唔會傳人,唔洗擔心)

而皮膚病好少會致命既,有皮膚病既做法:

1)有皮膚病就要保持個籠乾爽清潔

2)同鼠鼠每日用藥性沖涼粉沖涼,之後噴/搽藥皮膚病既藥水,藥水應該好多有賣鼠用品既地方都會有,買既時候記得睇下有效日期.
藥水噴落傷口既時候,鼠鼠既反應會好大,我諗應該幾痛啦,所以下次噴就會更難,鼠鼠會反抗愈唻愈大,小心d唔好因為咁而噴到鼠鼠既眼耳口鼻.如果脫毛既地方接近頭部/擔心會噴得唔好,就可以用棉花棒同鼠鼠搽藥.

3)曾見過有俾鼠鼠飲既皮膚病藥水,如果買到都可以加入鼠鼠飲用既水度俾鼠鼠飲,雖然效果比較慢,但唔洗噴藥咁難.價錢就比較貴,買既時候記得睇下有效日期.

4)唔好俾零食俾鼠鼠食,戒下口先,曾經有鼠店既人話,食人食既食物都會引致有皮膚病,而人既食物其實一般都唔適合鼠鼠,所以唔俾鼠鼠食都係好既.

我都住屯門,屯門有獸醫,不過好似冇咩話專醫倉鼠,俾d電話你去問下啦,而愛護動物協會既流動醫療車要到星期二先到屯門.我只係俾過自己既鼠鼠睇愛護動物協會,感覺安全d,因為倉鼠唔係個個獸醫都識醫,睇過d資料,因為倉鼠都算新既寵物,好多獸醫讀書時,根本冇學過醫倉鼠既.但都俾d資料你參考下:

愛護動物協會診所資料:

http://www.spca.org.hk/chi/vet/vetclinic.html

愛護動物協會流動醫療車資料:

http://www.spca.org.hk/chi/vet/moclinic.html

屯門東方獸醫診所 tel:2441 9816
屯門維多利亞寵物診所 tel: 2459 7217

2007-04-14 01:29:29 補充：
仲有,留意點解鼠鼠會俾水浸到,會唔會個水樽壞左流水呢?要搵出原因,再防止事情再發生呀

參考: 十多年養鼠經驗

👍 0 👎 0