[急Help]點算好，佢就返去，但我仲冇同佢講。

急Help嫁唔該。
個女仔仲有一個week到就返去英國，但我仲未正式問佢肯唔肯同我一齊。
好驚唔識點開口，因為我冇拍過拖，第一次，以前既校園生活都無"直接"接觸過女性。
所以我唔知點做？冇人教過我D咩 skill。
但我琴日覺得自己既表現好差。
咁去唱K我覺得自己把聲超唔好聽所以無乜點陪佢唱，悶親佢。
唱完走果時佢叫我同佢攬攬，始終我太保守，覺得咁樣好似會令佢好蝕底，但最後都係攬左。
之後成日既行程都係行街，其實成個行街既過程我好想問佢「我...我可唔可以拖你隻手...」但次次想問時，喉嚨好似頂住野咁，唔知點咁，但始終個心扑扑扑咁跳得好快，好緊張。點算好？
跟住夜晚去左尖咀海旁，果時好大風好凍，見佢好凍我好想叫佢不如行埋D拖住佢會暖D，但我又無做到，又係啖上頸咁。只係話唔好再行，返去。其實見到佢咁我好心痛，又覺得自己好無用，保護唔到佢。好傷心，成晚無訓，只係朝早訓左陣，搞到個人好down。

我好鐘意佢，但咁多位大哥大姐，我係咪好廢？咩都無膽咁？
唔該你地比多D意見我la，佢就返去英國讀書，我真係好想正式同佢講，但我又好緊張咁，點算好？好煩惱