一個好問題 請女仔答(男仔都入黎睇下) 20分

1.未拍拖而追幾個女仔，我覺得無問題喎，選擇的過程總會"西"選一番，如果一個人同一時間同幾個人拍拖就係花心啦。

2. 我寧願你唔同我講啦，又唔係咩大不了的事。比我知道左，個心實有條刺，作為女仔，我唔會嬲你之前追過好多人，(反正我係被選中個位，嘻嘻。)但我會好嬲你點解要咁坦白，搞到大家日日唔開心。

3. 唔需要分手，但我知道左你以前追過幾個女仔的話，短時間內你唔會有好日子過。例如郁D就鬧情緒發脾氣............呢D係你太坦白的後果。

4. 知道個刻個心情一定有D沉重家啦，如果你位女友好鐘意鑽牛角尖，就真係會好似你咁講"同佢一齊只係暫時 "、"到有個更好o既人就分手"
其實有心同你一齊的女仔，總會想同你繼續的；當然呢個時候，你要比平時更緊佢啦，個女仔知你緊佢錫佢，就減少胡思亂想啦。

5.作為女仔個心會想咁做，但絕不可做出面，因為男人會好反感呢類行為。點都死忍。

補充第2：我宜家個男朋友讀書個陣有個女仔暗戀佢，雖然我男朋友當佢無到，個女仔亦無死纏難打。但我個心都係唔多舒服的.........咁你仲講唔講比個女仔知，等佢日日疑心疑鬼?

1我覺得佢係花心 !
2因為佢坦白同我講 我唔原諒佢, 而唔會懷疑佢
3我會睇下點先
4我唔會因為e個原因覺得同佢一齊冇安全感 maybe係一個可以我 終 生o既人,
5我唔會做d野 令佢點都要同佢之前佢追求過o既女仔fd 斷絕一切來往(包括電話,msn, 佢地之前係同事都要佢辭工搵過第2份工?)
(我希望大家詳細d答 我唔介意咩年紀o既女仔答 反而可以知道唔同年紀o既女仔點諗 請大家講明自己o既年紀 因為我想知唔同年紀o既女仔點諗(如果唔想講就 打 5歲以內 for example: 21-26歲) ) 20

1. 我會覺得你好唔成熟law, 自己想要咩都唔知, 有無搞錯呀
2. 如果個女仔係成熟的話, 佢係唔會去計較的, 佢會欣賞你的坦白
3. 唔會, 因為鍾意你會去包容你, 唔會咁容易講分手
4. 會, 始終女仔係需要安全感, 不過時間可以證明一齊
5. 唔會, 不過會較為敏感, 你要小心呀

我係女仔 21 - 26 ^.^

不如我簡單一點答你吧...其實你將所有嘢轉個頭去答你

你愛的人(請你用個腦諗住佢先), 未一起 無啦啦女仔同你講ge一番話~

~女: 其實呢...係我未認識你之前...應該講...係我眼見一斑男仔當中未準備追你ge時侯, 我...同時間追過好多男仔, 不過, 當我決定係你ge時侯, 我己經無追佢地架, 就算同佢(某個人, 仲要大家認識ge)一齊都係因為無拖拍, 好悶, 所以...我同你講都係唔想呃你渣...因為我唔想呃你...

我諗個男仔ge諗法: ................(心諗: 你真係幾坦白架wo~)

朋友, 我想我會用一個包袱去形容你所做過ge事, 當如果你愛ge或己愛你ge人聽到以上ge一番話...會點呢?? 男同女, 可以咁講就算係朋友有時邊d係敏感或有壞後果ge話都一定唔可以出口, 你明知係愛情裹面最忌男女問題, 你咁講咪崩口人忌崩口碗囉, 仲要係未同人一齊時先介紹d衰嘢俾個女仔知, 等佢知道你曾經係一個咁ge人^^"~

<己所不慾, 勿施於人> 唔好將d自己唔要ge包袱(過去)交俾人, 你講俾佢知可能一心係無謂事講了你心情舒暢, 有種放下了ge感覺, 但其實對方感受你會否考慮呢~

除非你與家人講愛情, 同情人講家事, 因為不相關, 所以可以簡單事, 相反就會係一d問題

我會知有時在所難免, 只要記得輕描淡寫咁, 內容越簡單越好, 如果佢硬要你講你可以用d愛情觀同佢討論下就好, 千萬唔好話同ex咁咁咁...

希望幫到你, 我係女仔 23-28@v@~

1.我會覺得你好花心,因為你同時間追幾個女仔,即係你可以同時間鍾意幾個女仔,咁樣係好可怕!!
2.如果坦白講出來,都會原諒你既...........如果唔講而俾我發現左.......後果就........
3.咁又未至於要即刻分手.....鍾意你先同你一齊,唔會咁小事就分手
4.絕對會冇安全感,成日驚你會鍾意第二個女仔,基本上,連安全感都俾唔到既,一定唔可以付託終生
5.咁又唔會,不過,會默默留意住你仲有冇成日同果d女仔來往

我係21-26歲,講真丫,女仔真係一種好小氣,妒忌心好重既人,我已經算係較為大方d果種............其實女仔係唔會太鍾意自己男友有太多女性朋友,更何況係你之前追過果d丫.......對女仔來講,最重要係安全感,你俾唔到安全感你女朋友,佢就會成日懷疑你,唔信你,攪到成日嗌交...........你講俾佢聽,就係唔想佢誤會,但事實上,佢聽左之後一定會好介意,成日會對果幾個女仔有戒心...............