各位差人請進，現職或退休都可，

現時夜總會係可以食煙嘅，不過你老公成身有煙味，連底褲都有煙味，而且夜總會比食煙都唔代表佢去滾，佢每日放工成身煙味，佢係軍裝定便裝？如果佢係軍裝咁你懷疑佢都有理由，因為收工時會換衫，但如果佢係跟車便裝，佢有可能係係茶窖同同事一起飲茶令佢身上有煙味，不過你話連底褲都有就誇張d，我建議你都係唔好估估吓，留心一下你老公有無其他舉動而令你懷疑，如再有你大可平心靜氣同佢講，因為你誤會就唔好啦，但如果係真，咁就要睇你仲愛唔愛佢，如果愛佢而佢又肯改，咁咪原諒佢囉，希望你係誤會啦﹗

妳老公如果係回力刀，咁即係做左好耐，相信您地都應該結左婚一段長時間．紀律部隊就好似一個大染缸，每日佢地生活在染缸邊緣，有Ｄ嘢唔識又唔得，要識又要付出！講返煙味，警察呢類紀律部隊，舊一代都係煙民客多，佢唔食煙已經係難得嘅一個，人未必十全十美，但不過不失，乎復何求．