我隻貓條頸有D黑色一點點...點算?!

有可能係蝨, 亦有可能係d油脂分泌, 因為我唔係好清楚你有幾耐無同佢沖過涼, 如果係咁, 我建議你做以下既野︰

1. 首先, 要決定你果隻貓有無蝨, 係可以用眼睇到既, 因為如果係個身體有蝨既話, 你可以見到d一隻隻既蝨係度行黎行去嫁, 不過, 你一定要好細心咁搵, 因為可能唔多, 得幾隻果d, 你就要慢慢搵喇(佢地走得好快嫁, 你去捉佢, 佢一定好快走左唔知去邊嫁)！而果d一點點, 就有機會係d蝨既卵, 又或者係油脂粒。

如果係耳仔有蝨既, 你會見到佢耳仔有好多污垢, 果d就係蝨黎嫁喇。


2. 盡快同佢沖涼, 你可以自己幫佢沖又得, 或者帶佢去寵物店沖又得(收費$250-$380不等, 要視乎係長毛定短毛, 以及該寵物店決定)不過, 如果你太耐無同佢沖過涼既, 我勸你都係帶貓貓去一間信譽良好既寵物店度沖喇！因為一黎唔使煩, 佢一次過幫貓貓做晒清潔 (包括︰修甲、清潔耳仔....等), 貓貓又快d舒服, 你又唔使咁煩, 而且, 當寵物店同貓貓沖完之後, 會話俾你聽貓貓有咩問題, 又會教你用d咩幫貓貓平時做清潔, 咁你咪唔使咁手足無措囉！

3. 如果你係自己沖既話, 咁你就要小心貓貓, 因為太耐無沖涼而發癲, 可能會更加令你手足無措嫁喇！不過係你親自落手之前, 你最好去寵物店買定一d用品(eg. 沖涼液、梳、洗耳水、棉花及棉花棒....等), 因為沖之前要(用洗耳水、棉花及棉花棒)清潔耳仔先好同佢沖, (如果唔係又整污joe返貓貓) 之後先用寵物用既沖涼液同佢地沖涼, 沖完之後要立即吹乾及梳毛, 咁就ok嫁喇。

4. 如果你真係驚貓貓有蝨或擔心佢會有蝨既話, 仲有一個方法, 就係去寵物店買program口服液或滴頸用既殺蝨劑(用其中一樣好喇, 唔好一齊用呀, 如果唔係會毒死貓貓呀！), 都可以有助預防及殺蝨既, 你放心啦！

希望以上既方法可以幫到你啦, 不過如果唔明既, 你都可以去問下寵物店d人, 佢地一定會更加詳細！你住係邊區? 因為銅鑼灣景隆街有間叫名門純貓店既, 佢信譽都幾好嫁, 雖然d用品貴d, 但係佢一定會解答到你好多問題既(不過如果佢果度一多人既話, 就唯有要等一陣喇)！
(不過你好似咩都唔識咁既?! 你係唔係新手養貓呀?? )

抓耳仔
就係耳蝨,
係好痕呀..
所以佢會不停抓耳仔...
你要多D同佢洗耳仔...
同埋滴藥水..........
如果你無幫佢滅蝨滴藥水又冇同佢沖過涼..
我諗你不如去買滴蝨劑啦....有一種貴D既可以
兩樣都滅埋...$280.-(3枝)...每個月用1枝.......
滴向條頸後面....不過你個隻3個幾月大.....
應該唔用得...好像要6個月先可以用.......
不如你打電話去診所問下啦......

其實可能真係蝨,
若果你從未幫貓咪杜蟲同滅蝨,
可能蝨已經跟左你貓咪好耐了,
你見佢成日抓個身或者聽到佢咬蝨果d"啪啪"聲
咁已經可能係有
市面上有滅蝨藥水賣,一盒有3支(冇記錯的話),用黎滴0係後頸
杜蟲係要食杜蟲藥,
我以前帶貓咪去睇醫生果時0係診所買既,唔知街有冇得買
我隻貓冇俾佢出街,所以都冇再杜蝨了,
但聽說人們平時都會帶d蝨返屋企,所以定期要杜
總之如果e+有就一定要處理左佢^^