有關跑步問題

🤾🏻‍♂️ 體育台跑步

[匿名]

2007-04-13 6:16 pm

本人今年係乙組最後一年,今年跑200米初賽第6線,跑28秒幾,決賽第一線,跑29秒幾,點解會比初賽慢左成秒既?另外,今年唔知做咩,成班中三d體能高過晒我地d中四,100同200米決賽入面,有5-6個都係中三,只有2-3個係中四,拎金牌果d大部分係中三,點解今年會咁既?以往都未試過,而且2年前我地中二果時,佢地得中一,大部分金牌都係由我地中二拎。仲有呀,今年既中三(即上年既中二)體能都冇咁勁架,而且我地上年都輸比今年既中五(上年既中四),諗住今年又會贏番d中三,點知都唔得>.<。下年甲組啦,都唔知有冇機會贏啦............所以想問,點解我初賽比決賽慢左成秒?另外點解d中三會勁過中四既?

更新1:

SORRY,上面有d打錯,應該係點解決賽比初賽慢左成秒?

回答 (5)

x-contry_lover

2007-04-14 2:46 am

✔ 最佳答案

這情就要睇下你係唔係同一日跑兩次la~~
如果係的話…原因好簡單，就係你跑完初賽之後體能唔能夠係你跑決賽之前完全復完…
同時加上你決賽時會緊張一d....其實可以話心理質素唔好~~
當你係一個體能未完全恢復加上緊張的狀態絕對會影響比賽的賽果ga!!
至於你問點解d中三會贏你地…這個問題今年都出現左係我間學校…
按我間學校來講…原因就係中三的同學大多係校外都有訓練或者有玩其他運動…而中四的
就個個稔住就快會考…掛住讀書所以比賽成績比中三的略差一點。
體能方面其實都冇咩話點解…因為這樣野個個都唔同ga~~
不過可能因為依家d人越來越嬌生慣養…所以係會差d ga la~~

其實下年上左甲組都未必輸ge~~努力啦！！！

參考: 我自己係一個田徑運動員=)

👍 0 👎 0

wai ling

2007-04-15 6:08 pm

因為, 在初賽和決賽的各階段下, 體能無論如何都會轉弱。尤其是200米的, 是一種需要力放到底的短跑, 所以, 只有平日操練水準90% - 95%都夠 “殺” 的情況下, 才有勝算。

200米的跑道, 內圈和外圈的弧度不同, 或多或少對不同步幅的運動員, 構成身體平衡的影響; 因此, 宜於事前了解自己的特點, 作出因跑道不同, 有不同的策略。

比賽時, 缺乏出賽經驗的運動員, 最常出現是以為減少熱身運動, 可以保存更多的能量的想法; 切記, 只有充足的熱身準備, 才能在比賽中, 瞬息間, 進入個人高峰的狀態。

"點解d中三會勁過中四既? "; 可能是大家的目標不同, 花在鍛煉的時間上有分別, 所以, 有不同的結果。

參考: me

👍 0 👎 0

月光光

2007-04-15 3:53 pm

👍 0 👎 0