✔ 最佳答案
得兩個小時, 真係唔好咁頻撲, 你買左d 平野, 但又多一程車錢, 其實都係平唔到幾多, 仲要趕來趕去添! 其實要買o既野, 都可以在芭堤雅的商場買到, 包括Levis, Wacol, Boots等, 只係選擇冇咁多, 又攞住咁多行李, 撲來撲去, 真係要好好考慮下。
但如果你果兩個小時係預得好鬆果種, 而你又真係好想返曼谷Shopping, 咁可以考慮下:
1. Central Chitlom: 有好多層, 其中Boots, Wacol, Levis, Lee, Wangler等都比香港平, 有95折, 另外還有Sanrio, 亦有一些泰國土產品牌的衫和鞋等, 認真行的話兩個鐘都行唔晒。
2. Central World + Big-C: Central World 有各式各樣的牌子, 加上日本人好鐘意的Naraya袋, 平平地做手信一流, Big-C有Fashion Outlet, 包括Levis, Piere Cadin等, 亦有一間貨品都幾齊的Boots, 好大的超級市場, 可以買泰版特別口味的零食, 例如冬蔭公味的Lays和紫菜, 咖啡等, 唔好以為同香港一樣牌子的咖啡就一樣, 同一牌子, 泰版的係好味d的, 兩個鐘一陣就過左。然後在Big-C攞個空紙箱入起d野, 佢地有尼龍繩可以俾你邦好個箱, 去機場方便寄倉。
3. Siam果邊都可以考慮,但基本上我會建議1.或2.多d
但真係要計清楚, 係扣除所有交通時間及提前兩小時由曼谷出發到機場的時間之後, 仍有兩小時, 先好咁做。