落街恐懼症

我隻唐狗女初初都係好怕落街架，唔知係咪佢以從係山度果時俾人蝦過，每當有人係佢側邊經過時佢都會好驚咁，所以我一定要用胸帶加拖繩帶佢落街，如果唔係試過用頸帶佢好容易就鬆甩條頸帶跟住走左去，跟住就要好狼狽咁捉番佢。起初我帶佢去一個冇乜人去既地方度(停車場前面的草地)，等佢慢慢適應出面既環境，之後見得多左，佢就開始冇咁驚出街啦，跟住我就開始帶佢去比較人多d既地方，佢開頭都有少少驚，但係我不斷咁對佢講:冇事架，乖啦，然之後摸下佢個頭，佢就開始習慣出面d人同事物，到左宜家變成好鍾意去街添!你要俾d時間同耐性狗狗，用番我個方法，覺得狗仔緊張時就安慰一下佢，好快狗狗就會適應街上既事物，唔再驚去街架啦!努力啦!

我隻小牧初初打齊針可以出街時, 頭一個月都不斷震, 震到好似就快心臟病咁...後尾四圍問人, 他們叫我們帶他落街時, 放他落袋, 去到一個遠離屋企一小段路&安全的地方時, 先放佢出來, 去多十幾廿次, 佢就唔會震, and佢會知道入袋即係代表可以出街玩, 你都試試呢個方法吖

因為街上既野對佢黎講好陌生,所以佢會驚...
你可以試下抱住佢落街,等佢習慣下街上既環境...過一陣佢無咁驚你就試下放佢落地

Dont let him!